IRGC: Ka gjasa të përhapet lufta; Irani në kulmin e fuqisë, i përgatitur për të gjithë skenarët
Një komandant i lartë i Korpusit të Gardës së Revolucionit Islamik (IRGC) tha se lufta e regjimit izraelit në Gaza ka të ngjarë të përhapet në pjesën tjetër të rajonit, duke theksuar se Irani është në kulmin e fuqisë së tij dhe plotësisht i përgatitur për të gjitha rrethanat.
Gjeneralmajor Amir Ali Haxhizadeh, komandant i Divizionit Ajror Hapësinor të IRGC i bëri komentet të hënën në margjinat e një ceremonie për të përkujtuar 12 vjetorin e martirizimit të Hasan Tehrani Mokadam, një gjeneral i njohur për përpjekjet e tij të pareshtura për të zhvilluar programin raketor të Iranit.
“Lufta është zgjeruar dhe Libani është gjithashtu i përfshirë. Shtrirja e konflikteve mund të rritet edhe më shumë…por Irani është gati për të gjitha rrethanat,” tha ai.
Ai tha se amerikanët nuk janë një kërcënim për Iranin, duke përmendur mesazhet e fundit që ata i dërguan Republikës Islamike, të cilat ai tha se përdorën "gjuhën e lutjes".
Irani është fuqia më e madhe në rajon dhe askush nuk është në gjendje ta kërcënojë atë, pohoi komandanti i lartë i IRGC.
Më tej në fjalën e tij, Gjeneralmajor Haxhizadeh tha se fitoret e palestinezëve nuk mund të errësohen nga operacionet kriminale të Izraelit.
Ai theksoi se të gjitha kombet anembanë botës tani janë të vetëdijshme për natyrën kriminale të regjimit të Tel Avivit dhe mizoritë e tij.
"Natyra fëmijëvrasëse dhe thellësia e krimeve të regjimit izraelit janë tashmë të qarta për të gjithë, por ky regjim nuk do të mbijetojë për një kohë të gjatë," tha komandanti i IRGC.
Ai lavdëroi fitoren e madhe strategjike të luftëtarëve palestinezë përballë regjimit izraelit.
“Kjo fitore nuk do të zhduket përmes masave taktike dhe operacioneve kriminale të regjimit sionist, si dhe martirizimit të fëmijëve”, tha Gjeneralmajor Haxhizadeh, duke theksuar se populli palestinez do të arrijë një fitore përfundimtare.
