Zjarret në Turqi përfshinë edhe centralin e energjisë elektrike
Flakët e zjarreve në pyjet e Turqisë po vazhdojnë të zgjerohen gjithnjë e më tepër pavarësisht të përpjekjeve të ekipeve zjarrfikëse dhe tani kanë arritur deri te një central të prodhimit të energjisë elektrike
Agjencia e lajmeve IRIB njoftoi se një zjarr i madh pyjor ka përfshirë përsëri një termocentral në Turqinë jugperëndimore, tha mbrëmë një zyrtar lokal.
"Zjarri hyri në termocentralin," shkroi kryetari i bashkisë së Milas, Muhamet Tokat në Twitter, raportoi Reuters. Ai shtoi se punonjësit e termocentralit u evakuuan plotësisht.
Më herët, zjarri në këtë zonë u vu nën kontroll, por u ndez përsëri.
Autoritetet turke thanë se më shumë se 150 zjarre pyjorë shpërthyen në jugperëndim të vendit javën e kaluar për shkak të temperaturave të larta, lagështisë së ulët dhe erërave të forta.
Në Turqi, zjarrfikësit po përdorin avionë dhe helikopterë për të luftuar vatrat e zjarrit që shkrumbojnë gjithçka u del përpara në pyjet pranë zonave të njohura turistike. Ata po ndihmon dhe nga banorët lokalë. “Për të parandaluar përhapjen e flakëve ne po presim pemët. Po bëjmë gjithçka mundemi”, tregon një banor i fshatit.
8 persona kanë humbur jetën nga zjarret në Turqi, ndërsa ekipet zjarrfikëse dhe ato të emergjencave civile nuk po ndihmohen nga kushtet e motit, pasi vijojnë temperaturat e larta, thatësia dhe erërat e forta./parstoday
