SAHAR

Variant i ri i koronavirusit (ose SARS-CoV-2), i njohur si Omicron (ose B.1.1.529), u identifikua për herë të parë nga shkencëtarët në Afrikën e Jugut më 24 nëntor. Varianti i fundit i virusit që shkakton sëmundjen COVID-19 besohet të jetë më i transmetueshëm se varianti tashmë shumë i transmetueshëm Delta.

Omicron tashmë është zbuluar në 106 vende, tha OBSH.

Shkencëtarët janë gjithashtu të shqetësuar se numri i lartë i mutacioneve të variantit mund ta ndihmojë atë të shmangë vaksinimet.

Kur Delta u bë varianti mbizotërues, simptomat e frymëmarrjes së sipërme të ngjashme me të ftohtit u bënë më të zakonshme, ndërsa humbja e shijes dhe nuhatjes u bë më pak e zakonshme se në variantet e tjera.

Me Omicron, disa ekspertë kanë thënë se simptomat duken më të buta se Delta, ndërsa të tjerë thonë se është shumë herët për t'u konfirmuar.

Cilat janë simptomat më të zakonshme të Omicron?

Dr Angelique Coetzee, doktoresha e Afrikës së Jugut ishte e  para që paralajmëroi autoritetet për praninë e variantit të ri COVID-19, ka thënë se dhimbjet e muskujve, lodhja, gërvishtja e fytit dhe djersitjet e natës janë simptoma të zakonshme të Omicron.

Të dhënat e hershme të lëshuara më 16 dhjetor nga Studimi i Simptomave të COVID , i drejtuar nga kompania e shkencës shëndetësore Zoe dhe King's College London, thanë se simptomat e ngjashme me të ftohtin ishin më të zakonshmet e raportuara nga njerëzit të infektuar me variantin e ri Omicron.

Të dhënat treguan se pesë simptomat kryesore të raportuara në aplikacion për infeksionin Omicron ishin rrufë, dhimbje koke, lodhje (ose e lehtë ose e rëndë), teshtitja dhe dhimbje fyti.

Zyrtari më i lartë i Organizatës Botërore të Shëndetësisë në Evropë, Hans Kluge tha se 89 për qind e atyre me infeksione të konfirmuara të Omicron në Evropë raportuan simptoma të zakonshme me variantet e tjera të koronavirusit, duke përfshirë kollën, dhimbjen e fytit, temperaturën.

A janë simptomat e Omicron më të buta se sa me variantet e tjera?

Coetzee i ka përshkruar simptomat e Omicron si "shumë, shumë të buta" në krahasim me ato të variantit Delta. 

Ajo tha gjithashtu se, ndryshe nga variantet e tjera, pacientët nuk kanë raportuar humbje të nuhatjes apo shijes dhe nuk ka pasur rënie të madhe të niveleve të oksigjenit me variantin e ri.

Një studim i Afrikës së Jugut , i cili ende nuk është rishikuar nga kolegët, ka sugjeruar se ka rreziqe të reduktuara të shtrimit në spital dhe sëmundjeve të rënda tek njerëzit e infektuar me variantin e koronavirusit Omicron kundrejt atij Delta, megjithëse autorët thonë se disa prej tyre ka të ngjarë për shkak të nivelit të lartë të imunitetit të popullatës.

Por studiuesit në Imperial College London (ICL) kanë thënë , "Ne nuk gjejmë asnjë provë (si për rrezikun e frekuentimit në spital ashtu edhe për statusin e simptomave) të Omicron që ka ashpërsi të ndryshme nga Delta", megjithëse shtoi se të dhënat për shtrimet në spital mbeten shumë të kufizuara.

Studimi i tyre gjithashtu nuk është rishikuar ende nga kolegët.

Ekspertët kanë qenë gjithashtu të shqetësuar se shpejtësia me të cilën Omicron duket se përhapet do të kompensojë çdo reduktim të ashpërsisë.

Çfarë ndikimi kanë vaksinat në simptomat?

Ekspertët janë shprehur se simptomat e infeksionit Omicron te personat e vaksinuar mund të jenë edhe më të buta se tek ata që janë të pavaksinuar, gjë që mund të çojë në mungesën e rasteve.

Christina Marriott, shefe ekzekutive e Shoqërisë Mbretërore për Shëndetin Publik (RSPH) tha: “Dëshmitë në rritje tregojnë se njerëzit që kanë marrë dy doza të vaksinës zakonisht paraqesin simptoma më pak të rënda, të tilla si dhimbje koke, rrjedhje hundësh, teshtitje, dhimbje fyti dhe humbja e nuhatjes.

“Është e rëndësishme që njerëzit që janë vaksinuar plotësisht të qëndrojnë vigjilentë për simptoma të ngjashme me të ftohtin dhe të testohen nëse jetojnë ose punojnë pranë njerëzve që janë në rrezik më të madh nga sëmundja.”

Disa të dhëna të hershme sugjerojnë se vaksinat aktuale mund të ofrojnë më pak mbrojtje kundër infeksionit nga Omicron.

Agjencia e Sigurisë Shëndetësore e Mbretërisë së Bashkuar (UKHSA) tha se të dhënat e hershme, të pa shqyrtuara nga një studim ( PDF ) sugjeruan që një kurs fillestar i vaksinimit me dy doza ofronte më pak mbrojtje kundër sëmundjes së lehtë nga Omicron krahasuar me shtamin Delta.

Por zbuloi se përforcuesit e rikthyen mbrojtjen në një masë – duke dhënë rreth 70 për qind deri në 75 për qind mbrojtje kundër sëmundjeve të lehta nga varianti i ri Omicron.

Sa zgjat periudha e inkubacionit të Omicron?

Koha që i duhet një personi të infektuar për të zhvilluar simptoma mund të jetë më e shkurtër për Omicron sesa për variantet e mëparshme, nga një javë e plotë deri në tre ditë ose më pak.

"Kjo është arsyeja pse përhapja po ndodh me një ritëm shumë më të shpejtë," tha Dr Anita Gupta, një anesteziste dhe mjeke e kujdesit kritik në Shkollën e Mjekësisë Johns Hopkins.

Ajo shtoi se është e mundur që periudha e inkubacionit mund të jetë më e shkurtër ose më e gjatë në varësi të një numri variablash, duke përfshirë moshën, problemet shëndetësore dhe statusin e vaksinimit./Syri