SAHAR

Lumturia vjen në shumë forma të ndryshme, aq sa ajo mund të jetë e vështirë për t’u përkufizuar. Mungesa e lumturisë, në anën tjetër, është e lehtë për t’u identifikuar: Ju e ndjeni kur jeni të palumtur!

Këto janë cilësuar nga studiuesit si 10 zakonet shqetësuese të njerëzve të palumtur:

Veprimet kur s’je i lumtur

Kur njerëzit janë të pakënaqur është shumë më e vështirë të qëndrosh me ta. Mungesa e lumturisë i shtyn njerëzit në një rreth vicioz, që i mban larg arritjes së gjërave që janë të aftë për të arritur.

Me sytë nga e ardhmja

Duke i thënë vetes, “Unë do të të jem i lumtur kur …” është një nga zakonet që bien më lehtësisht njerëzit e palumtur. Se si përfundon deklarata nuk ka rëndësi, sepse ajo e vë theksin shumë mbi rrethanat. Ekspertët thonë se në vend të kësaj duhet të përqëndroheni në të qenit i lumtur tani, sepse nuk ka asnjë garanci për të ardhmen.

Shpenzimi i shumë kohe dhe përpjekje për të përvetësuar “gjëra”

Njerëzit që jetojnë në varfëri të skajshme përjetojnë një rritje të konsiderueshme të lumturisë, kur rrethanat e tyre financiare përmirësohen. Edhe pse me dhjetra studime tregojnë se gjërat materiale nuk të bëjnë të lumtur. Ju mund të zhgënjeheni kur të kuptoni se mund të kishit qenë të lumtur në vend që të harxhonit kaq shumë kohë për të përvetësuar të mira materiale.

Qëndrimi në shtëpi

Kur ju ndjeheni të palumtur është joshëse për të shmangur njerëzit e tjerë. Ky është një gabim i madh, sepse s’ka asgjë që i lumturon më shumë njerëzit se sa shoqëria.

Etiketimi i vetes si viktimë

Njerëzit e palumtur kanë tendencë për të vepruar nga pozita e parazgjedhur se jeta është e vështirë dhe jashtë kontrollit të tyre. Problemi me këtë filozofi është se nxitet një ndjenjë të pafuqisë dhe njerëzit që ndihen të pafuqishëm nuk kanë gjasa për të marrë masa për t’i bërë gjërat më mirë.

Pesimizmi

S’ka ‘karburant’ më të fortë për mungesën e lumturisë se pesimizmi. Problemi me një qëndrim pesimist, përtej se ndikon negativisht në humor, është që të bëhet një profeci vetë-përmbushëse: Në qoftë se ju prisni gjëra të këqija keni më shumë gjasa për të marrë gjëra të këqija!

Ankesat

Të ankohesh pa pushim është shqetësuese, si dhe qëndrimi që i paraprin. Duke menduar se sa gjëra të këqija po ju ndodhin s’bëni gjë tjetër veçse riafirmoni besimet tuaja negative. Ndërsa duke folur për atë që ju pengon mund të ju ndihmojë të ndjeheni më mire.

Përgjithësimi i të keqes

Njerëzit e palumtur ndjejnë sikur gjithmonë u ndodhin gjëra të këqija. Dallimi është se njerëzit e lumtur i shohin problemet si një zhgënjim i përkohshëm, ndërkohë që njerëzit e palumtur e shohin ndonjë gjë negative si provë e mëtejshme se jeta e tillë është e do të jetë.

Nuk përballen me gabimet

Njerëzit e lumtur janë përgjegjës për veprimet e tyre. Kur ata bëjnë një gabim mbajnë përgjegjësi. Nga ana tjetër njerëzit e palumtur përpiqen t’i fshehin gabimet. Por harrojnë se problemet mund të bëhen më të mëdha kur fshihen.

Nuk përmirësohen

Sepse njerëzit e pakënaqur janë pesimistë dhe ndjejnë një mungesë të kontrollit mbi jetën e tyre, ata kanë tendencë për të qëndruar duarkryq dhe të presin çfarë jeta do t’u sjellë. Dhe pastaj ata pyesin veten pse gjërat nuk ndryshojnë.

Ziliqar dhe xheloz

Xhelozia dhe zilia janë të papajtueshme me lumturinë, kështu që nëse ju jeni vazhdimisht duke e krahasuar veten me të tjerët, është koha për të ndaluar.

Ndryshimi i shprehive

Ndryshimi i shprehive tuaja në emër të lumturisë më të madhe është një nga gjërat më të mira që mund të bëni për veten. Por është gjithashtu e rëndësishme për një arsye tjetër: Duke marrë kontrollin e lumturinë tuaj i bëni të gjithë rreth jush gjithashtu të lumtur./syri/