Greqia ofron dozën e dytë përforcuese për personat mbi 60 vjec
Greqia do të ofrojë një dozë të dytë vaksine përforcuese të COVID-19 për njerëzit e moshës 60 vjeç e lart, të paktën katër muaj pas injektimit të së parës, thanë të martën zyrtarët grekë të shëndetësisë.
Në një konferencë, kreu i Komitetit Kombëtar të Vaksinimit të Greqisë, Maria Theodoridou, tha se 'njerëzit që kanë përfunduar vaksinimin e tyre me një vaksinë përforcuese mund të marrin një vaksinë të dytë përforcuese katër muaj pas vaksinimit të fundit. Vetëm vaksinat Pfizer ose Moderna janë në dispozicion për këtë'.
Sekretari i Përgjithshëm i Shëndetit të Kujdesit Parësor Marios Themistocleous tha se 'platforma për emërimet e dozës së 4-të do të hapet sot, duke filluar me ata të moshës 80 vjeç e lart dhe do të shtrihet çdo javë me grupmoshat më të ulëta.'
Të paktën 75.2% e popullsisë së përgjithshme në Greqi ka marrë të paktën një vaksinë dhe 81.1% e popullsisë së rritur ka përfunduar vaksinimin (kundrejt 83.1% të mesatares së BE-së).
Ai tha se të gjitha vaksinat e kryera në Greqi kundër koronavirusit janë 20,590,000/Syri
