Aksident trafiku në rrugën Prishtinë – Ferizaj, ka të lënduar
Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik.
Një aksident trafiku ka ndodhur edhe sot rreth orës 17:00 në rrugën Prishtinë – Ferizaj, saktësisht në fshatin Babush i Muhaxherëve.
Në media u dërguan pamje nga vendi i ngjarjes, ku shihet se në aksident janë përfshirë dy vetura.
Sipas tyre dyshohet se janë lënduar tre persona, teksa në vendngjarje kanë dalë njësitë relevante.Kujtojmë se në vazhdimësi bëhet thirrje për kujdes në komunikacion, pasi rastet e aksidenteve me fatalitet nuk po kanë të ndalur dhe shkaktarët më së shpeshti janë moszbatimi i rregullave./syri/
