Plenkoviç kundër presidentit kroat: Kosova nuk u aneksua nga ndërkombëtarët
Kryeministri i Kroacisë, Andrej Plenkoviç ka kundërshtuar deklaratën e presidentit kroat, Zoran Milanoviç, duke deklaruar se Kosova nuk është aneksuar nga bashkësia ndërkombëtare.
“Askush nuk e ka aneksuar Kosovën sepse atëherë do ta aneksonte një shtet tjetër. Nuk e di konceptin e nxjerrjes në të drejtën ndërkombëtare”, ka thënë Plenkoviç, shkruan N1.
Pas seancës së Kryesisë të Bashkimit Demokratik Kroat (HDZ), Plenkoviç nënvizoi se se “është e rëndësishme që Kosova të jetë shtet i pavarur me të cilin Kroacia ka marrëdhënie diplomatike.
“Ajo që është e rëndësishme është që Kosova është shtet i pavarur me të cilin kemi marrëdhënie diplomatike, se ministri ynë Davor Filipoviç ka qenë në Kosovë, se me të kanë shkuar rreth 50 biznesmenë tanë”, theksoi ai./syri/
