Putin fajëson ‘të metat sistematike’ të Evropës për krizën e energjisë
Presidenti rus Vladimir Putin ka hedhur poshtë akuzat se Moska po përdor energjinë si një "armë", duke thënë se mungesa e gazit në Evropë është shkaktuar kryesisht nga "të metat sistematike" në tregun e energjisë të kontinentit.
Duke folur në një forum në kryeqytetin rus, Moskë, presidenti rus fajësoi "të metat" në tregun evropian të energjisë dhe tha se "disa përpiqen t'i kalojnë gabimet e tyre te të tjerët". Evropa javët e fundit po përballet me një krizë gazi pasi çmimet janë rritur në nivelet më të larta shumëvjeçare. Disa në kontinent akuzojnë Rusinë për kufizimin e qëllimshëm të rrjedhjeve të gazit në Evropë. Putin, megjithatë, tha të Mërkurën se Rusia ishte "gati" për të rritur eksportet e gazit, duke shtuar se furnizimet po rriteshin "aq sa na kërkojnë partnerët tanë". Ai tha se ishte "shumë e rëndësishme" të "sugjeronte një mekanizëm afatgjatë për të stabilizuar tregun e energjisë" në atë që ai e quajti një "situatë të vështirë". Rusia furnizon më shumë se një të tretën e gazit të Evropës. Më vonë gjatë ditës, Putini i tha CNBC se akuzat e bëra kundër vendit të tij janë " të motivuara politikisht" dhe nuk kishte "asgjë për ta mbështetur pretendimin se ne përdorim energjinë si një lloj arme". "Ne nuk po përdorim armë," tha Putin. "Edhe gjatë pjesëve më të vështira të Luftës së Ftohtë, Rusia rregullisht ka përmbushur detyrimet e saj kontraktuale dhe furnizon me gaz Evropën." Kërkesa për energji në Evropë po rritet ndërsa ekonomitë po rriten pas përfundimit të bllokimeve të pandemisë ndërsa ka rënie në furnizimet nga burimet e rinovueshme, siç është era./ParsToday
