Ministria ruse e Mbrojtjes: Sulmoni në të gjitha drejtimet
Zëdhënësi i Ministrisë Ruse të Mbrojtjes Igor Konashenkov tha se Forcat e Armatosura ruse shkatërruan 821 objekte të ushtrisë ukrainase, duke përfshirë 14 fusha ajrore ushtarake, 19 qendra komandimi dhe komunikimi, 24 sisteme raketore anti-ajrore S-300 dhe AS-300-S dhe 48 stacione radari.
Ai shtoi se shtatë avionë luftarakë, shtatë helikopterë dhe nëntë dronë ukrainas u rrëzuan, si dhe janë shkatërruar 87 tanke dhe automjete të blinduara, 28 sisteme raketore dhe 118 automjete speciale ushtarake. Ministria ruse e Mbrojtjes njoftoi se trupat e saj janë urdhëruar të rifillojnë ofensivën e tyre në të gjitha drejtimet, pasi u urdhërua një pezullim për negociatat me qeverinë ukrainase. “Të premten, pasi regjimi i Kievit deklaroi gatishmërinë e tij për negociata, sulmet në drejtimet kryesore të operacionit u pezulluan”, tha zëdhënësi i Ministrisë së Mbrojtjes, gjeneralmajor Igor Konashenkov në një deklaratë të shtunën. “Pasi pala ukrainase braktisi procesin e negociatave, sot të gjitha njësitë u urdhëruan të vazhdojnë ofensivën e tyre në të gjitha drejtimet në përputhje me planin e operacionit”. Një këshilltar presidencial ukrainas mohoi në orët e para të së shtunës se Ukraina kishte refuzuar të negocionte. Deklaratat e Konashenkov, të cilat u konfirmuan edhe nga Kremlini, u bënë pasi zyrtarët perëndimorë thanë se pushtimi rus nuk po përparonte aq shpejt sa priste Moska./ParsToday
