Putin nënshkruan dekretin e sanksioneve ndaj SHBA
Presidenti i Federatës Ruse nënshkroi një urdhër për vendosjen e masave të veçanta ekonomike kundër Shteteve të Bashkuara dhe vendeve që kanë aderuar në sanksionet kundër Rusisë.
Sipas agjencisë së lajmeve ISNA, presidenti rus Putin nënshkroi një urdhër për vendosjen e masave të veçanta ekonomike në lidhje me veprimet jomiqësore të Shteteve të Bashkuara dhe të vendeve të huaja dhe organizatave ndërkombëtare që i janë bashkuar sanksioneve anti-ruse. Sipas dekretit, nga 1 marsi, Rusia do t'i ndalojë shtetasit e saj të transferojnë valutë të huaj në llogaritë ose depozitat e tyre në bankat e huaja dhe të kryejnë operacione valutore për të siguruar valutë të huaj. Ky dekret lejon bankat të hapin llogari për individët kur transferojnë para nga një bankë në tjetrën pa praninë personale. Që nga 28 shkurti, eksportuesve rusë u kërkohet të shesin në tregun e brendshëm 80 për qind të fitimeve të tyre në valutë. Dekreti lejon kompanitë të riblejnë aksione deri në fund të vitit në kushte të caktuara, pas një rënie të mprehtë të çmimit mesatar të aksioneve nga 1 shkurti./ParsToday
