BE miraton paketën e katërt të sanksioneve kundër Rusisë
Vendet anëtare të BE-së kanë miratuar raundin e katërt të sanksioneve kundër Moskës, duke synuar disa individë dhe subjekte ruse.
Sipas IRNA, Franca, e cila mban presidencën e radhës të Bashkimit Evropian, njoftoi se blloku, në konsultim me partnerët e tij ndërkombëtarë, do të nisë një paketë të katërt sanksionesh kundër institucioneve dhe individëve të përfshirë në agresionin kundër Ukrainës, si dhe disa sektorë të ekonomisë ruse. Që nga fillimi i pushtimit rus të Ukrainës, Bashkimi Evropian ka marrë masa të ashpra për të sulmuar presidentin rus Vladimir Putin, sistemin e tij financiar dhe kapitalistët e tij. Javën e kaluar, anëtarët e unionit ranë dakord të vendosin sanksione ndaj 160 rusë, duke shtuar kufizime të reja në eksportet e teknologjisë ruse të navigimit dhe komunikimeve radio. Ata gjithashtu vendosën të heqin tre banka bjelloruse nga Swift. Në total, masat kufizuese të BE-së që janë vendosur deri tani kundër Rusisë janë 862 individëve dhe 53 subjekteve ruse. Më 24 shkurt, presidenti rus Vladimir Putin urdhëroi një sulm ushtarak në Ukrainë./ParsToday
