Britania vendos të pajisë Ukrainën me raketa
Kryeministri britanik synon tu kundërvihet luftanijeve ruse duke dërguar raketa kundër anijeve në Ukrainë.
Sipas IRNA të dielën, Boris Johnson i tha kabinetit të tij se donte të pajiste marinën ukrainase për të parandaluar sulmet amfibe ruse përtej Detit të Zi. Britania kishte dërguar armë anti-tank në Ukrainë, duke përfshirë raketa NLAW, përpara se Rusia të sulmonte Ukrainën. Johnson tha: Objektivi tjetër është Odessa. Rusia nuk shkon në Odessa me tank, por me anije. Anija nuk mund të jetë në shënjestër të raketave britanike antitank, (kështu që) Ukraina dëshiron diçka që mund të shkatërrojë anijet, ndaj ne do t’i japim Ukrainës raketa kundër anijeve. Presidenti ukrainas Volodymyr Zelinsky ka bërë thirrje më parë për blerjen e armëve kundër anijeve, duke përfshirë raketat anti-anije nga Britania. Rusia nisi një ofensivë ushtarake kundër Ukrainës më 24 shkurt. Që nga fillimi i luftës në Ukrainë, vende të ndryshme evropiane kanë ofruar dërgesa të mëdha armësh në Ukrainë, por furnizuesi më i madh i armëve ushtarake në Ukrainë janë Shtetet e Bashkuara./ParsToday
