Qyteti port Krasny në Donetsk ra nën kontrollin rus
Një zëdhënës i Ministrisë së Mbrojtjes ruse tha se qyteti ukrainas Krasny në Donetsk ishte nën kontrollin rus.
Sipas agjencisë së lajmeve Tass, zëdhënësi i Ministrisë ruse të Mbrojtjes, Igor Konashenkov tha në një intervistë në Moskë se qyteti port Krasny në rajonin Donetsk të Ukrainës kishte rënë nën kontrollin e forcave ruse. Igor Konashenkov shtoi: "Qendra komanduese e avancuar e Brigadës së 30-të të Mekanizuar të Ushtrisë së Ukrainës në qytetin Bekhmut dhe qendra komanduese e njësisë rajonale të mbrojtjes në qytetin Soldar u shënjestruan dhe u shkatërruan nga raketat ruse". Zyrtari rus i mbrojtjes vuri në dukje se më shumë se 260 trupa ukrainase u vranë në sulmet ajrore. Ky zëdhënës i Ministrisë së Mbrojtjes ruse shtoi: "Që nga fillimi i operacionit special ushtarak të Moskës në Ukrainë, janë shkatërruar 182 avionë, 128 helikopterë, 1,045 dronë, 324 sisteme raketore të mbrojtjes ajrore, 3,297 tanke dhe automjete të blinduara dhe 3,245 automjete ushtarake të Ukrainës". Moska ka deklaruar vazhdimisht se operacionet ushtarake të Rusisë në Ukrainë do të pezullohen nëse Kievi pajtohet me kushtet e saj të sigurisë./ParsToday
