Kissinger: Nuk është veprim i mençur që Ukraina të anëtarësohet në NATO
Henry Kissinger, ish-sekretari amerikan i shtetit, i përshkroi si marrëzi përpjekjet e Uashingtonit për të anëtarësuar Ukrainën në NATO pas rënies së Bashkimit Sovjetik.
Agjencia e lajmeve Fars njoftoi se ish-sekretari amerikan i shtetit, Henry Kissinger, gjatë një fjalimi në institutin amerikan të Këshillit për Marrëdhëniet me Jashtë, deklaroi: "Uashingtoni u përpoq të merrte nën ombrellën e tij të gjithë ish-anëtarët e bllokut sovjetik pa dallim pas rënies së Murit të Berlinit".Sipas Kissinger, "Nga këndvështrimi i Rusisë, Shtetet e Bashkuara të Amerikës u përpoqën të integrojnë të gjithë rajonin (sovjetik) pa përjashtim në një sistem strategjik nën udhëheqjen amerikane".Ky diplomat veteran 99-vjeçar shtoi: "Ky zhvillim në thelb shkatërroi rripin historik të sigurisë së Rusisë; Rrjedhimisht, përpjekja për ta futur Ukrainën në NATO nuk ishte një politikë e mençur nga qeveria amerikane".
Kissinger në vazhdim pretendoi se nuk e dinte nëse paqja me presidentin rus ishte e mundur, por theksoi se Perëndimi duhet të kërkojë një mundësi për një marrëveshje që do të garantonte lirinë e Ukrainës dhe do ta mbante atë si pjesë e sistemit evropian.Ish-sekretari amerikan i shteti deklaroi se herët a vonë Perëndimi dhe Rusia duhet të hyjnë në një dialog me njëri-tjetrin, duke shtuar: “Në një mjedis bërthamor, një rezultat i tillë ndoshta mund të jetë i preferueshëm më shumë se një vendim në fushën e betejës”.Kissinger gjithashtu paralajmëroi më herët se Amerika është "në prag të luftës me Rusinë dhe Kinën për çështjet që kemi bërë vetë".
