Putin: Do ta zhvillojmë Donbasin në të gjitha aspektet
Presidenti rus theksoi se Rusia do ta zhvillojë Donbasin në të gjitha aspektet.
Rajonet Donetsk, Luhansk, Kherson dhe Zaporizhia midis 23 dhe 27 shtator 2022 mbajtën një referendum për bashkimin me territorin e Rusisë, dhe gjatë këtij referendumi, shumica dërrmuese e votuesve votuan pro bashkimit me Federatën Ruse. Presidenti i Rusisë në një ceremoni në Kremlin së bashku me krerët e këtyre katër rajoneve nënshkruan zyrtarisht dokumentet e bashkimit të tyre me Rusinë. Sipas agjencisë së lajmeve Fars, presidenti rus Vladimir Putin theksoi të mërkurën se rezultatet e referendumeve për aneksimin e rajoneve të reja në Rusi janë të qarta dhe tha: Situata në Donbas do të stabilizohet dhe Rusia do t'i zhvillojë këto rajone në të gjitha aspektet. Duke deklaruar se Rusia respekton popullin e Ukrainës pavarësisht situatës aktuale, Putin shtoi: "Nëse Kievi nuk do të përpiqej të shkatërronte historinë dhe të ringjallte neo-nazizmin në tokat historike të Rusisë, konflikti në Ukrainë nuk do të kishte ndodhur". Presidenti rus shtoi: Neo-nazizmi ekziston kudo në botë, madje edhe në Rusi, dhe është i shtypur, por manifestohet në Ukrainë. Këshilli i Federatës Ruse miratoi të martën traktatet për pranimin në Rusi të Republikave Popullore të Donetskut dhe Luhanskut dhe rajoneve Kherson dhe Zaporizhia.
