Rusia fajëson marinën britanike për shpërthimet Nord Stream 1 dhe 2
Moska pretendon se një njësi e marinës së Mbretërisë së Bashkuar qëndron pas shpërthimeve në tubacionet e gazit Nord Stream 1 dhe 2 megjithëse nuk ofroi asnjë provë për pretendimin e saj.
Mendohet se të paktën 50 metra të tubacionit nënujor - i cili transporton gazin rus në Evropë - u shkatërrua muajin e kaluar.
Policia daneze ka thënë se "shpërthimet e fuqishme" shkaktuan katër vrima në tubacione.
Autoritetet gjermane, daneze dhe suedeze kanë qenë duke hetuar incidentin, por ende nuk dihet se kush dhe çfarë i shkaktoi shpërthimet.
Në një deklaratë, Ministria e Mbrojtjes e Rusisë tha:
"Sipas informacioneve të disponueshme, përfaqësuesit e kësaj njësie të Marinës Britanike morën pjesë në planifikimin, sigurimin dhe zbatimin e një sulmi terrorist në Detin Baltik më 26 shtator të këtij viti".
Edhe pse liderët perëndimorë nuk e kanë akuzuar drejtpërdrejt Rusinë se qëndron pas sulmit, BE-ja ka thënë më parë se Moska po përdor furnizimet e saj me gaz si një armë kundër Perëndimit.
Lufta në Ukrainë ka ushtruar presion mbi furnizimet me gaz, duke rritur çmimet për shumë vende evropiane. /Syri
