SAHAR

Joe Biden mund të përballet sot me një pengesë poshtëruese në presidencën e tij, pasi amerikanët do të shkojnë në kutitë e votimit për herë të parë që nga fitorja e tij në zgjedhje.

Demokrati veteran pritet të bëhet një politikan në largim për pjesën e mbetur të mandatit nëse republikanët marrin kontrollin e Dhomës dhe Senatit në zgjedhjet e mes-mandatit, siç parashikojnë anketuesit.

Zgjedhjet e mes-mandatit mbahen gjithmonë në mes të mandatit katërvjeçar të një presidenti dhe vendosin përbërjen e dy dhomave të Kongresit, Dhomës dhe Senatit.

Ndryshe nga sa ndodh në Britaninë e Madhe, në SHBA mbahen zgjedhje të veçanta për të zgjedhur presidentin dhe për të vendosur se cilët politikanë do të ulen në Uashington.

Secili prej 435 vendeve në Dhomën e Përfaqësuesve, dhoma e ulët e Kongresit, aktualisht e kontrolluar nga demokratët, është në garë sot.

Republikanët duhet të fitojnë vetëm pesë vende për të marrë shumicën në dhomë, me shifrat e fundit që sugjerojnë se ata do marrin të paktën 15 vende, duke e çuar totalin në 227, me demokratët që do marrin 174 vende, dhe për 34 vendet e mbetura, gara është shumë e ngushtë.

Por vetëm kjo do të mjaftonte që të sigurohej shumica për partinë e Donald Trump, duke kaluar shifrën magjike për 218, të nevojshme për të kontrolluar axhendën legjislative.

Në Senat, 35 vende nga 100 të tilla janë në garë sivjet, dhe vetëm disa prej tyre janë në garë të fortë.

Të dyja partitë kanë aktualisht 50 vende në dhomën më të lartë, por zëvendëspresidentja Kamala Harris mund të jepte një votë të thyer, duke e kaluar kontrollin aktualisht te demokratët.

Por fitorja e vetëm një vendi për republikanët do të nënkuptonte se Biden do të përballet me një bllokim legjislativ dhe një betejë të vështirë për të siguruar rizgjedhjen, sepse kundërshtarët e tij do të jenë në gjendje të vendosin për axhendën e Kongresit.

Votimi shihet gjithashtu si një tregues i rëndësishëm për administratën dhe një humbje e rëndë do të sinjalizonte rikthimin e republikanëve në vitin 2024.

Republikanët janë të fokusuar në çështje të tilla si inflacioni dhe krimi, ndërsa demokratët vazhdojnë të thonë se demokracia është në rrezik me rikthimin e Trump.

Ish-presidenti pritet gjerësisht të deklarojë kandidaturën për Shtëpinë e Bardhë dhe ngacmoi opinionin dje kur tha se pritet një njoftim i madh më 15 nëntor në Mar-a-Lago.

Ai ka shmangur qëllimisht bërjen e një njoftimi zyrtar deri pas përfundimit të zgjedhjeve të mes-mandatit, në një përpjekje për të shmangur kthimin e votimit të sotëm në një referendum mbi Trump, dhe për të parë sa i dobët është Biden.

Por republikani ka qenë një figurë kryesore në fushatën për zgjedhjet e mes-mandatit, duke mbajtur mitingje të rregullta në të gjithë vendin dhe duke thënë mbështetje dhe miratime për kandidatët për të rritur përkrahjen e tyre.

Përveç zgjedhjeve për Kongresit, votuesit do të zgjedhin gjithashtu guvernatorët e tyre në 36 nga 50 shtete, zyrtarët legjislativë dhe autoritetet lokale./Syri