Presidenti sirian mbërrin në Moskë për bisedime me homologun rus
Presidenti sirian Bashar al-Assad ka mbërritur në Moskë në krye të një delegacioni të rangut të lartë për bisedime me homologun rus Vladimir Putin.
Assad mbërriti në Aeroportin Ndërkombëtar Vnukovo të Moskës të martën, duke kryesuar një "delegacion të madh ministror", njoftoi Agjencia zyrtare Siriane e Lajmeve (SANA). Ai u prit nga zëvendësministri i Jashtëm i Rusisë, Mikhail Bogdanov. Kremlini tha në një deklaratë se Putin do të zhvillonte bisedime me Presidentin sirian të mërkurën. “Do të diskutohen çështjet aktuale të zhvillimit të mëtejshëm të bashkëpunimit ruso-sirian në sferat politike, tregtare, ekonomike dhe humanitare, si dhe perspektivat për një zgjidhje gjithëpërfshirëse të situatës në dhe rreth Sirisë”, tha në një deklaratë Kremlini zyrtar.
