Përdhosja e Kur'anit të shenjtë në Rusi me urdhër të Ukrainës
Një person që përdhosi Kur'anin e shenjtë në Volgograd të Rusisë, është arrestuar nga Shërbimi Federal i Sigurisë i këtij vendi.
Agjencia e lajmeve Sputnik njoftoi se Komiteti Hetimor i Rusisë njoftoi se personi në fjalë pranoi se kishte marrë 10,000 rubla (125 dollarë) nga agjentët ukrainas për të djegur Kur'anin e shenjtë dhe për të filmuar këtë veprim ofendues.
Sipas këtij raporti, 19-vjeçari Nikita Zhuravel, banues në qytetin e Volgogradit, është arrestuar në bazë të nenit 148 të pjesës së dytë të Kodit Penal rus për fyerje të ndjenjave fetare të myslimanëve.
Komiteti Hetimor i Rusisë shtoi: "Zhuravel dogji Kur'anin e shenjtë më 19 maj dhe e regjistroi këtë veprim në video, dhe më pas ia dorëzoi videon në fjalë një agjenti të Shërbimit të Sigurisë së Ukrainës (SBU).
Nëse ky person shpallet fajtor për fyerje të ndjenjave fetare, ai do të përballet me burgim deri në tre vjet.
Sipas raportimeve, qëllimi i të dyshuarit në publikimin e videos së djegies së Kur'anit ishte të krijonte përçarje dhe konflikte në shoqërinë multietnike të Rusisë.
Më parë, në faqet virtuale u publikuan video nga zonat e konfliktit në Ukrainë, të cilat tregonin disa ushtarë ukrainas duke grisur dhe djegur Kur'anin e shenjtë.
