SAHAR

Zëdhënësi i Kremlinit tha sot se është shumë e rëndësishme për Rusinë që të bëhen pauza humanitare në luftë dhe të sigurohen nevojat e popullatës civile të Gazës, si dhe mundësia e largimit të qytetarëve rusë.

Sipas raportit të agjencisë së lajmeve Fars, Dimitri Peskov, zëdhënësi i Presidencës së Federatës Ruse, ka theksuar sot (e martë) nevojën për dërgimin e ndihmave humanitare për banorët e Rripit të Gazës.

Gjatë një konference për shtyp në Kremlin, Peskov theksoi qëndrimin e Moskës për luftën në Gaza: "Është  shumë e rëndësishme për Rusinë që të bëhen pauza humanitare në luftë dhe të sigurohen nevojat e popullatës civile të Gazës, si dhe mundësia e largimit të qytetarëve rusë."

Sipas agjencisë ruse të lajmeve "Sputnik", ai shpjegoi për përpjekjet e Rusisë për t'i dhënë fund krizës palestineze: "Ne vazhdojmë kontaktet tona me palestinezët, izraelitët dhe egjiptianët për të dërguar ndihma humanitare në Gaza."

Zëdhënësi i Kremlinit deklaroi gjithashtu për përshkallëzimin e tensioneve dhe mundësinë e përhapjes së luftës në Gaza edhe në rajone të tjera të Azisë Perëndimore: "Situata nga pikëpamja humanitare është ende e tensionuar dhe shumë katastrofike."

Sipas Sputnik, Peskov shtoi gjithashtu: "Marrëdhëniet e Rusisë me Palestinën, Izraelin dhe Egjiptin kryhen çdo ditë në nivel operacional, por ende nuk janë planifikuar marrëdhënie të nivelit më të lartë."

Gjithashtu sot, Maria Zakharova, zëdhënësja e Ministrisë së Jashtme ruse, në përgjigje të kërcënimit të ministrit sionist për përdorimin e bombës atomike kundër Rripit të Gazës, tha se Tel Avivi ka pranuar se ka armë bërthamore, por ku janë agjencia dhe inspektorët e saj?!