Guterres: Situata në Gaza është katastrofike
Sekretari i Përgjithshëm i OKB-së Antonio Guterres theksoi nevojën për një armëpushim humanitar dhe mbërritjen masive të ndihmave në Gaza duke thënë: “Situata në Gaza është e tmerrshme dhe katastrofike.
Sipas IRNA-s, Sekretari i Përgjithshëm i OKB-së Antonio Guterres tha të mërkurën se mijëra jetë janë shuar në Gaza brenda pak ditësh duke shtuar: “Karburanti ende nuk lejohet në Gaza, uji është jashtëzakonisht i kufizuar dhe spitalet kanë mungesë ilaçesh”.
Ai i konsideroi operacionet ushtarake të Izraelit në Gaza qartësisht të gabuara dhe shtoi: “I kërkoj Izraelit të respektojë ligjet e luftës”.
Guterres vazhdoi: “Është e rëndësishme që Izraeli të kuptojë se nuk është në interesin e Izraelit të shohë pamjen e tmerrshme të nevojës së popullit palestinez për ndihmë humanitare.
Më tej deklaroi: “Imazhe të tilla nuk e ndihmojnë Izraelin në sytë e opinionit publik mbarëbotëror.”
Sekretari i Përgjithshëm i Kombeve të Bashkuara tha: “Ne kemi parë brenda pak ditësh mijëra fëmijë të vrarë në Gaza, që do të thotë se ka diçka nuk shkon me mënyrën se si kryhen operacionet ushtarake të Izraelit. Autoritetet palestineze kanë raportuar vdekjen e 10569 personave që nga fillimi i operacionit “Stuhia Al-Aksa” dhe 40% e këtyre njerëzve janë fëmijë”.
