Spanja: Ne do të punojmë për njohjen e shtetit palestinez
Kryeministri i Spanjës, Pedro Sánchez, njoftoi se qeveria e re e këtij vendi do të punojë për njohjen e shtetit palestinez në nivel kombëtar dhe në Evropë.
Sipas agjencisë së lajmeve Anatolia, Pedro Sanchez, i cili pritet të forcojë qeverinë e tij të koalicionit të majtë u tha ligjvënësve të vendit gjatë debatit përpara votimit në parlamentin e vendit: “Njohja e shtetit palestinez dhe përpjekja diplomatike për ta bërë këtë nga vendet e tjera evropiane, është angazhimi i parë i parlamentit spanjoll”.
Ai shtoi: “Komuniteti ndërkombëtar duhet të njohë shtetin e Palestinës, sepse kjo është e vetmja zgjidhje dhe një kërkesë e drejtë e popullit palestinez, të cilin ai e kërkon prej kohësh”.
Sanchez gjithashtu bëri thirrje për një armëpushim të menjëhershëm në Gaza dhe vuri në dukje se: “Ne kërkojmë respektim të rreptë të ligjeve të të drejtave të njeriut në Gaza dhe i kërkojmë Izraelit të sigurojë kushte për ndihmën ndërkombëtare për palestinezët në Gaza”.
Duke theksuar rëndësinë e diplomacisë dhe nevojën urgjente për të mbajtur një konferencë paqeje për luftën në Gaza, ai tha: “Ne dënojmë vrasjen pa dallim të palestinezëve në Gaza dhe Bregun Perëndimor”.
Gjithashtu, Irene Montero, ushtruese e detyrës së Ministres për Barazinë e Spanjës, në lidhje me luftën në Gaza, tha se Spanja duhet të zbatojë sanksione ndaj kryeministrit (të regjimit) izraelit Beniamin Netanjahu dhe të ndërpresë marrëdhëniet diplomatike me këtë regjim.
Ministrja spanjolle e të drejtave sociale, Ivonne Bellara, gjithashtu në llogarinë e saj në rrjetin social X (ish-Twitter) shkroi: “Për të ndaluar gjenocidin e planifikuar të Izraelit në Palestinë, ne kemi nevojë për më shumë sesa fjalët”.
