Amir-Abdollahian: Amerikanët mbështesin vrasjet masive dhe gjenocidin në Gaza
Ministri i Jashtëm iranian Hossein Amir-Abdollahian ka paralajmëruar kundër një përhapjeje të pashmangshme të luftës së Izraelit në Gaza nëse regjimi sionist vazhdon gjenocidin ndaj palestinezëve në territorin e rrethuar.
Në një intervistë me “Financial Times” botuar të premten, Amir-Abdollahian përjashtoi mundësinë e bisedimeve të drejtpërdrejta të Teheranit me Uashingtonin, por tha se Irani i kishte thënë SHBA-së përmes kanaleve të caktuara se nuk dëshiron që lufta në Gaza të përhapet më tej.
Ai shtoi se Irani dhe SHBA kanë shkëmbyer mesazhe që nga fillimi i gjenocidit izraelit në Gaza rreth 40 ditë më parë përmes seksionit të interesave të SHBA-së në ambasadën zvicerane në Teheran.
“Në përgjigje ndaj SHBA-së, ne thamë se Irani nuk dëshiron që lufta të përhapet, por për shkak të qasjes së adoptuar nga SHBA dhe Izraeli në rajon, nëse krimet kundër popullit të Gazës dhe Bregut Perëndimor nuk ndalen, çdo mundësi mund të konsiderohet dhe një konflikt më i gjerë mund të jetë i pashmangshëm”, theksoi Amir-Abdollahian.
“Amerikanët na dhanë një mesazh në tre ditët e fundit duke pretenduar se ata janë pas armëpushimit dhe kanë bërë përpjekje në këtë drejtim”, tha ministri i jashtëm iranian, duke shtuar se “ata, megjithatë, mbështesin vrasjet masive dhe gjenocidin në Gaza”.
