Guterres: Pauza humanitare në Rripin e Gazës nuk është zgjidhje
“Pauza humanitare në Rripin e Gazës nuk është zgjidhje dhe Kombet e Bashkuara vazhdojnë të këmbëngulin për një armëpushim dhe lirim të menjëhershëm të të gjithë të burgosurve”, tha Sekretari i Përgjithshëm i OKB-së Antonio Guterres.
“Armëpushimi ishte një hap në drejtimin e duhur, ishte një simbol i shpresës, por nuk i zgjidh problemet kryesore me të cilat përballemi”, tha shefi i OKB-së në një konferencë të përbashkët me Moussa Faki Mahamat, kryetar i Komisionit të Bashkimit Afrikan.
“Kjo është arsyeja pse ne kemi këmbëngulur në nevojën për një armëpushim humanitar, duke çuar në lirimin e pakushtëzuar dhe të menjëhershëm të të gjithë të burgosurve dhe në mundësinë e dhënies së ndihmës efektive humanitare për të gjithë njerëzit në Gaza kudo që jetojnë, citohet të ketë thënë Guterres.
Regjimi izraelit nisi luftën kundër Gazës më 7 tetor pasi Lëvizja e Rezistencës Palestineze Hamas zhvilloi Operacionin e befasishëm “Stuhia Al-Aksa” kundër entitetit pushtues në përgjigje të fushatës dhjetëravjeçare të regjimit izraelit të gjakderdhjes dhe shkatërrimit kundër palestinezëve.
Sipas ministrisë së shëndetësisë me qendër në Gaza, deri më tani mbi 15,000 palestinezë janë vrarë në sulmet izraelite, shumica prej tyre gra dhe fëmijë.
Tel Avivi gjithashtu ka vendosur një rrethim të plotë në Gaza, duke ndërprerë karburantin, energjinë elektrike, ushqimin dhe ujin për më shumë se dy milionë palestinezë që jetojnë atje.
