Presidenti i Kubës mbërrin në Teheran
Presidenti kuban Miguel Díaz-Canel u prit nga Bahram Einullahi, Ministër i Shëndetësisë, Trajtimit dhe Edukimit Mjekësor dhe Kryetar i Komisionit të Përbashkët për Bashkëpunimin midis Iranit dhe Kubës, pas mbërritjes së tij në Teheran të dielën mbrëma.
Presidenti kuban, i cili udhëtoi për në Teheran me ftesë të homologut të tij iranian, është planifikuar të pritet zyrtarisht nga Ebrahim Raisi, presidenti i Republikës së Iranit, në kompleksin kulturor historik Sa’ad Abad të hënën në mëngjes.
Pas ceremonisë zyrtare të mirëseardhjes dhe prezantimit të delegacioneve shoqëruese, do të mbahet një takim privat mes krerëve të dy vendeve, një takim i përbashkët i delegacioneve të rangut të lartë dhe ceremonia e nënshkrimit të dokumenteve dhe memorandumeve të bashkëpunimit dhe më pas të dy presidentët do të shpjegojnë rezultatet dhe arritjet e konsultimeve dypalëshe në një konferencë të përbashkët për shtyp.
Gjatë udhëtimit, përveç takimit zyrtar me Presidentin Raisi, Miguel Diaz-Canel do të ketë takime edhe me disa zyrtarë të lartë të Iranit, si dhe do të vizitojë ekspozimin e kapaciteteve dhe arritjeve më të fundit teknologjike të Republikës Islamike të Iranit, si dhe Institutin Pasteur, i cili bashkëpunon me Kubën në fushën e mjekësisë dhe farmaceutikës.
Pas vizitës së presidentit të ndjerë kuban Fidel Kastro në qershor të vitit 2001, kjo është vizita e parë e presidentit të Kubës në Iran.
