OBSH bën thirrje për akses të menjëhershëm në ndihmat humanitare në Gaza
Organizata Botërore e Shëndetësisë miratoi një rezolutë që bën thirrje për akses të menjëhershëm në ndihma humanitare dhe përfundimin e luftës në Gaza.
Rezoluta bëri thirrje për kalimin e menjëhershëm, të qëndrueshëm dhe të papenguar të ndihmës humanitare, duke përfshirë aksesin në personelin mjekësor në Gaza.
Ai u miratua me konsensus në fund të një sesioni të posaçëm të së dielës të Bordit Ekzekutiv të OBSH-së.
Miratimi i rezolutës “nënvizon rëndësinë e shëndetit si një prioritet universal, në të gjitha rrethanat, si dhe rolin e kujdesit shëndetësor dhe humanitarizmit në ndërtimin e urave drejt paqes, edhe në situatat më të vështira”, tha OBSH në një deklaratë pas takimit.
OKB-ja thotë se rreth 80 për qind e popullsisë është zhvendosur dhe përballet me mungesën e ushqimit, ujit dhe ilaçeve dhe me një kërcënim në rritje të sëmundjeve.
Të premten, një rezolutë për një armëpushim humanitar nga Emiratet e Bashkuara Arabe dhe e bashkë-sponsorizuar nga 100 vende të tjera nuk u miratua në KS të OKB-së, pasi Shtetet e Bashkuara të Amerikës vendosën veton ndaj propozimit. SHBA është një nga pesë anëtarët e përhershëm me të drejtë vetoje të Këshillit të Sigurimit.
