Përkrahësit e Palestinës mbajnë demonstrata anti-sioniste në Gjermani
Mbështetësit e Palestinës dhe palestinezëve nga kombësi të ndryshme në Gjermani morën pjesë në demonstratat anti-sioniste në javën e dhjetë të tyre, pavarësisht kufizimeve të policisë në vazhdimin e mbështetjes së popullit të shtypur të Gazës.
Përkrahësit e Palestinës në Gjermani dolën në rrugët e Berlinit, pavarësisht motit të ftohtë të së premtes mbrëma dhe shprehën edhe një herë solidaritetin me popullin e shtypur të Gazës dhe dënuan gjithashtu krimet e regjimit izraelit në Rripin e Gazës.
Në demonstratën anti-sioniste, mbështetësit palestinezë mbanin flamuj palestinezë dhe brohoritnin slogane të tilla si “Izraeli po bombardon Gazën dhe Gjermania po ofron mbështetje financiare”, “Rroftë Gaza dhe Palestina”, “Gaza e lirë” dhe “Ndaloni gjenocidin ndaj palestinezëve në Gaza”.
Gjermania, së bashku me Mbretërinë e Bashkuar dhe Shtetet e Bashkuara të Amerikës, janë mbështetës të vendosur të regjimit izraelit dhe i ofrojnë mbështetje politike, financiare dhe armatime këtij regjimi fëmijëvrasës.
Demonstratat anti-sioniste në Berlin dhe qytete të tjera gjermane kanë nisur në të njëjtën kohë me fillimin e luftës së Gazës më 7 tetor 2023.
Përveç Gjermanisë, përkrahësit e Palestinës në vende të tjera evropiane, përfshirë Britaninë, dalin në rrugë çdo javë dhe demonstrojnë kundër regjimit izraelit.
