Jemeni vazhdon të mbështesë Gazën duke nisur operacione të reja
Zëdhënësi i forcave të armatosura të Jemenit tha se operacioni kundër anijeve të nisura për në Palestinën e pushtuar dhe sulmi me dron në rajonin Eilat do të vazhdojë në mbështetje të popullit të Gazës.
Zëdhënësi i forcave të armatosura të Jemenit, Jahja Sari‘e, theksoi vazhdimin e garantimit të sigurisë së transportit në të gjitha destinacionet, përveç atyre për në regjimin izraelit.
Sipas Jahja Sari‘e, pozicionet ushtarake të armikut në zonën e Umm al-Rashrash ose Eilat dhe zona të tjera të Palestinës së pushtuar ishin shënjestruar nga dronët.
Në këtë deklaratë, ai theksoi mbështetjen e vazhdueshme të forcave të armatosura jemenase për popullin palestinez në kuadër të detyrës fetare, morale dhe humanitare.
Zëdhënësi i forcave të armatosura të Jemenit, duke theksuar se këto operacione janë në mbështetje të kombit palestinez, theksoi: “Operacionet tona kundër anijeve izraelite apo anijeve të destinuara për në portet e pushtuara palestineze do të vazhdojnë derisa ilaçet dhe ushqimet të hyjnë në Rripin e Gazës”.
Sipas Ministrisë së Shëndetësisë të Gazës, 241 njerëz u vranë në 24 orët e fundit dhe 382 u plagosën, pra, të paktën 20,915 njerëz janë vrarë dhe 54,918 janë plagosur në sulmet izraelite që nga 7 tetori.
