Të mbijetuarit e festivalit Supernova padisin Izraelin për neglizhencë ushtarake
Të mbijetuarit e festivalit muzikor Supernova, i cili u mbajt pranë kufirit të Gazës më 7 tetor, kur lëvizja e rezistencës palestineze Hamas nisi Operacionin “Stuhia Al-Aksa” në territoret e pushtuara, kanë ngritur një padi kundër regjimit izraelit, duke e fajësuar atë për dështimin e tij për t’i mbrojtur ata gjatë sulmit.
Gati 42 të mbijetuar të festivalit muzikor po kërkojnë 200 milionë NIS (55 milionë dollarë) dëmshpërblim, duke quajtur përgjegjës ushtrinë, policinë izraelite dhe shërbimin spiun Shin Bet të regjimit për ngjarjet tragjike të festivalit dhe dështimin e tyre për të mbrojtur siç duhet ngjarjen, raportuan mediat izraelite të hënën.
Padia fajësoi më tej ushtrinë izraelite për dështimin e saj për të njoftuar organizatorët e festivalit kur shenjat e një sulmi të mundshëm të Hamasit u shfaqën në orët e vona të një nate më parë, duke theksuar se eventi mund të ishte evakuuar përpara operacionit të Hamasit.
“Gjithçka që duhej të bënin të pandehurit ishte t’u bënin një telefonatë organeve përgjegjëse në emër të tyre, në mënyrë që ata të anulonin festën për shkak të njoftimeve të marra natën ndërmjet 6 tetorit dhe 7 tetorit”, kanë thënë avokatët e viktimave.
“Katastrofa mund të ishte shmangur në kaq shumë hapësirë kohore”, thanë përfaqësuesit e të mbijetuarve.
Hamasi nisi Operacionin “Stuhia Al-Aksa” më 7 tetor në përgjigje të shkeljeve të Izraelit në Xhaminë Al-Aksa në Kudsin Lindor të pushtuar si dhe të dhunës në rritje të kolonëve kundër palestinezëve.
Sulmi shkatërroi mitin e pathyeshmërisë së entitetit pushtues, duke lënë të vdekur 1200 izraelitë, përfshirë 360 pjesëmarrës në festivalin muzikor.
Si përgjigje, Tel Avivi nisi një luftë gjenocidale në Rripin e rrethuar të Gazës, e cila deri më tani ka vrarë të paktën 22000 palestinezë, kryesisht gra dhe fëmijë, dhe ka plagosur rreth 57000 të tjerë.
Pas sulmit, policia kufitare izraelite dhe Forcat Ajrore u përgjigjën, duke shkaktuar shpërthimin e një beteje të madhe në autostradën 232, ngjitur me vendin e festivalit.
Helikopterët izraelitë vranë me sulme ajrore luftëtarët e Hamasit si dhe disa pjesëmarrës izraelitë në koncert.
Zyrtarët izraelitë nuk e kanë pranuar rolin që ka luajtur policia kufitare dhe, në vend të kësaj, sugjerojnë se Hamasi i ka vrarë të 364 viktimat.
Padia në emër të viktimave të festivalit, gjithashtu, nuk duket se trajton çështjen e sulmit izraelit që vrau shumë nga të pranishmit.
Në nëntor, gazeta Haaretz raportoi se një helikopter që i përkiste ushtrisë izraelite vrau një numër kolonësh që merrnin pjesë në festivalin muzikor Supernova pranë bazës ushtarake Re'im, fill pasi Hamasi sulmoi territoret e pushtuara.
Një helikopter luftarak i ushtrisë izraelite që mbërriti në vendngjarje dhe qëlloi në drejtim të luftëtarëve palestinezë, mesa duket, goditi gjithashtu edhe disa pjesëmarrës në festë, sipas raportit, i cili bazohet, ndër të tjera, në marrjen në pyetje nga anëtarët e Hamasit si dhe hetimin e policisë izraelite për incidentin.
