SAHAR

Kreu i Zyrës Politike të Hamasit tha se Izraeli ka dështuar të arrijë ndonjë nga qëllimet e tij pas gati 100 ditësh lufte gjenocidale në Rripin e Gazës, duke theksuar se regjimi pushtues vetëm sa e ka ekspozuar natyrën e tij gjakpirëse dhe vrasëse për të gjithë botën, pasi kreu çdolloj masakre në territorin e rrethuar.

Ismail Hanijeh i bëri komentet të martën në konferencën e Unionit Ndërkombëtar të Dijetarëve Myslimanë në kryeqytetin e Katarit, Doha, duke vënë në dukje se rezistenca e popullsisë së Gazës e kishte penguar Izraelin të arrinte qëllimet e tij.

“Qëllimet e deklaruara të luftës në Gaza janë eliminimi i Lëvizjes Hamas, kthimi i robërve të tyre dhe zbatimi i planit të zhvendosjes së popullsisë palestineze”, tha Hanijeh.

“Unë ju them se armiku, pavarësisht shkatërrimeve dhe masakrave, nuk ka arritur të arrijë asnjë nga qëllimet e luftës”, shtoi ai.

Shefi i Hamasit theksoi më tej se Lëvizja e Rezistencës nuk mund të eliminohet, sepse ekziston në vendlindje dhe jashtë saj, si dhe në ndërgjegjen e umetit mysliman dhe të njerëzve të lirë të botës.

Haniyeh shtoi se pas rreth 100 ditësh, regjimi izraelit kishte dështuar të lirojë ndonjë rob nga Gaza, duke shtuar se e vetmja mënyrë për kthimin e robërve izraelitë në shtëpitë e tyre të gjallë është lirimi i të gjithë të burgosurve palestinezë.

Ai, gjithashtu, përshëndeti Frontin e Rezistencës në Gaza duke e vlerësuar si të fortë, koheziv dhe premtues, dhe pohoi se ky front mund të luftojë një betejë të gjatë kundër regjimi okupator sionist.

Shefi i Hamasit denoncoi më tej si ‘të rrezikshëm dhe masiv’ agresionin brutal të Izraelit në Bregun Perëndimor të pushtuar, duke pohuar se 350 palestinezë ishin vrarë atje që nga fillimi i operacionit “Stuhia Al-Aksa” në fillim të tetorit.