SAHAR

Filloi në Teheran Takimi i Pestë i Jashtëzakonshëm i Komitetit të Përhershëm për Palestinën të Unionit Parlamentar të vendeve anëtare të OBI (PUIC) në të njëjtën kohë me mbledhjen e parë të Komitetit të Palestinës të Asamblesë Parlamentare të Azisë (APA).

Duke folur në takim, Kryetari i Parlamentit iranian, Mohammad Baker Kalibaf, tha: “Ajo që po ndodh në Rripin e Gazës është një shkak shqetësimi dhe turpi të thellë për njerëzimin dhe një padrejtësi e dyfishtë ndaj një kombi që është privuar nga të gjitha të drejtat e tij njerëzore për shkak të okupimit, për më shumë se shtatë dekada.”

“Asnjë ndërgjegje e zgjuar nuk mund të tolerojë krimet që po kryhen nga makineria e luftës e regjimit izraelit në Gaza dhe efektet e saj të tmerrshme në paqen, sigurinë e rajonit dhe të botës”, shtoi ai.

Kalibaf theksoi: “Çështja e Palestinës dhe pushtimi 75-vjeçar i saj, si dhe shpërngulja e banorëve autoktonë dhe shtypja e poshtërimi i palestinezëve që jetojnë në Bregun Perëndimor dhe Rripin e Gazës nuk është një çështje që lidhet me Palestinën dhe regjimin e rremë izraelit apo një çështje mes myslimanëve dhe regjimit izraelit, por është një fyerje për të gjithë njerëzimin dhe komunitetin ndërkombëtar”.

Ai shtoi: “Asnjë politikë praktike e regjimit izraelit nuk mund të vëzhgohet dhe të parashikohet për t’i dhënë fund konfliktit afatgjatë dhe për të ndaluar dhunën përgjithmonë, sepse ky regjim i rremë ka qenë i bazuar në agresion dhe konflikt në rajon.”

Më tej, Kalibaf theksoi: “Një realitet tjetër i hidhur i kohës tonë është mbështetja e kotë në rolin e Kombeve të Bashkuara në zgjidhjen e problemit të agresionit dhe okupimit në Palestinë”.

“Mosveprimi i Këshillit të Sigurimit, shpërfillja e plotë e Kombeve të Bashkuara për të kryer reforma themelore ekonomike dhe zbatimi i politikave serioze të zhvillimit në Bregun Perëndimor dhe Rripin e Gazës, si dhe mungesa e mbështetjes financiare nga vendet perëndimore për Palestinën, përkundër mbështetjes së tyre të plotë për regjimin sionist, janë ndër arsyet që i bëjnë palestinezët të zhgënjyer”, tha ai.

Kalibaf vuri në dukje se “Takimi, duke dënuar me vendosmëri krimet e regjimit sionist dhe duke ripërtërirë mbështetjen e tij serioze për çështjen palestineze, miratoi një qëndrim të unifikuar dhe ndërmori hapa praktike efektive dhe të koordinuara për të aktivizuar të gjitha levat e presionit kundër sionistëve, duke përfshirë edhe masat e gjera të sanksioneve politike dhe ekonomike”.

Ai vazhdoi duke thënë se “formimi i një komiteti faktmbledhës për t’u marrë me krimet e fundit të kryera nga sionistët në Rripin e Gazës dhe në zonat e tjera të pushtuara palestineze, duke krijuar një mekanizëm ligjor për të dokumentuar krimet e sionistëve në Gaza për shfrytëzim të mëtejshëm në nivel të gjykatave ndërkombëtare, duke e detyruar regjimin e rrejshëm të Izraelit të ndalojë menjëherë sulmet në Rripin e Gazës dhe vrasjen e civilëve, mbërritjen e ndihmave humanitare në Rripin e Gazës dhe, më në fund, për të bërë regjimin sionist të heqë dorë nga pretendimet e përsëritura për kërcënim ekzistencial nga ana e regjimit kundër palestinezëve, janë ndër synimet e këtij takimi.”

Kryetari i Parlamentit të Iranit tha: “Iranianët dhe udhëheqja e tyre janë plotësisht të përgatitur për çdo veprim të përbashkët të qeverive islamike kundër krimeve antinjerëzore të regjimit sionist kundër popullit të shtypur të Palestinës, si dhe për mbështetjen e çështjes palestineze”.