Qindra vetë protestojnë në Davos përpara Forumit Ekonomik Botëror
Qindra aktivistë mbajtën një tubim proteste të dielën përpara takimit të ardhshëm të Forumit Ekonomik Botëror (WEF) në qytetin zviceran, Davos.
Pamjet tregojnë protestuesit duke mbajtur pankarta dhe flamuj teksa ngjiten në shpatet e resortit malor duke brohoritur parulla antikapitaliste.
“Ne jemi këtu për t’u thënë këtyre më të pasurve dhe më të fuqishmëve se është koha të heqin dorë; koha e tyre ka mbaruar. Ata nuk kanë arritur të zgjidhin krizat dhe luftërat, dhe në fakt, ata janë përgjegjës që këto kriza vazhdojnë të ekzistojnë”, tha një protestues.
“Koha për dialog midis të pasurve dhe të fuqishmëve ka mbaruar. Kjo është koha që 99% të rimarrin kontrollin e kësaj bote”, shtoi ai.
Protesta u zhvillua në prag të takimit të 54-t vjetor të Forumit Ekonomik Botëror që do të mbahet në Davos mes 15 dhe 19 janarit, me temë Rindërtimi i Besimit.
Udhëheqësit nga qeveritë, bizneset dhe shoqëria civile pritet të mblidhen së bashku për të adresuar çështjet aktuale botërore.
Takimi synon gjithashtu të ofrojë një platformë për të kërkuar zgjidhje për sfidat më urgjente globale përmes bashkëpunimit publik-privat.
