Netanyahu nuk do të lirojë rezidencën e kryeministrit
Ish kryeministri Benjamin Netanyahu, lideri aktual i opozitës në parlament, qëndron ende në rezidencën zyrtare të kryeministrit dhe nuk ia ka dorëzuar atë kryeministrit të ri Naftali Bennett.
Sipas Times of Israel, Netanyahu, i cili pas 12 vitesh në pushtet humbi postin e tij si kryeministër tre ditë më parë, pasi nuk arriti të formonte një kabinet koalicioni, vazhdon të refuzojë të lërë rezidencën zyrtare të kryeministrit në Kods. Naftali Bennett, Kryeministri i ri i Izraelit, u betua të Dielën dhe mori zyrën e Kryeministrit nga Benjamin Netanyahu pas një takimi gjysmë ore të hënën, por ai dhe gruaja e tij Sarah dhe djali Yair mbeten në rezidencën zyrtare të kryeministrit në Balfour Street të Kodsit. Netanyahu dhe familja e tij nuk kanë komentuar ende, por sipas ligjit izraelit, Netanyahu duhet të largohet nga rezidenca zyrtare e kryeministrit, për të cilën qeveria paguan nga taksat publike. Times of Israel raportoi se grupi "kryeministër kriminel" i shkroi një letër Shalom Barnier, këshilltarit ligjor në zyrën e kryeministrit, duke i bërë thirrje atij të linte shtëpinë në më pak se dy javë. Grupi ka thënë se mund të apelojë në Gjykatën e Lartë nëse Netanyahu nuk lë shtëpinë zyrtare shtetërore deri më 27 të këtij muaji.
