Mikati u emërua për të formuar kabinetin libanez
Najib Mikati, një biznesmen i shquar libanez, u emërua për të formuar kabinetin e 79-të libanez pas dorëheqjes së Saad Hariri.
"Unë rashë dakord me Michel Aoun mbi nevojën për të shpejtuar formimin e qeverisë dhe kam garancitë e mjaftueshme për të dalë nga kriza. Nëse nuk do të kisha marrë këto garanci ndërkombëtare, nuk do të kisha pranuar misionin për të formuar qeverinë ", tha kryeministri libanez Mikati. "Unë nuk kam një shkop magjik dhe nuk mund të bëj gjëra të jashtëzakonshme, misioni im është i vështirë, unë dua besimin e njerëzve " tha Mikati në Pallatin Presidencial në Bejrut disa minuta pas misionit zyrtar për të formuar një qeveri të re. Ai theksoi se kabineti i tij do të formohej në bazë të asaj që është quajtur "iniciativa franceze" dhe gjithashtu në përputhje me "interesat e Libanit dhe ekonominë e vendit". Pas dorëheqjes së Saad Hariri, drejtuesi i Lëvizjes së Ardhmërisë për formimin e qeverisë, dje në mëngjes, e hënë, Presidenti libanez Michel Aoun filloi konsultimet parlamentare me fraksionet për të prezantuar Kryeministrin e ri. Më në fund, shumica e fraksioneve parlamentare emëruan Najib Mikati, ish-kryeministrin libanez dhe biznesmenin, për të formuar një qeveri të re. Me 73 vota nga 118, Najib Mikati fitoi shumicën e kërkuar të votave në parlamentin libanez për të formuar një qeveri të re. Mikati është një politikan dhe biznesmen 67-vjeçar libanez i cili në vitet e fundit ka shërbyer si Kryeministër i Libanit, duke përfshirë nga 13 Janar 2011 deri më 15 Shkurt 2014. Sipas sistemit politik libanez, myslimani suni duhet të marrë postin e kryeministrit, me presidencën të kryesuar nga etnia e krishterë dhe parlamentin të kryesuar nga një mysliman shiit. Libani po vuan nga një krizë e rëndë ekonomike, të cilën Banka Botërore e ka përshkruar si një nga më të këqijat në historinë moderne. Monedha libaneze, ka humbur më shumë se 90 përqind të vlerës së saj në dy vitet e fundit, duke përkeqësuar varfërinë dhe mungesat e ushqimit, karburantit dhe ilaçeve. Qeveria e mëparshme libaneze me Kryeministër Hassan Diab dha dorëheqjen pas shpërthimeve të Gushtit 2020 në portin e Bejrutit dhe më pas u zgjodh Saad Hariri si Kryeministër i përkohshëm, por edhe ai dha dorëheqjen shtatë muaj më vonë. Hariri mori detyrën e formimit të një qeverie të re libaneze tetorin e kaluar me miratimin e parlamentit libanez dhe miratimin e Presidentit Michel Aoun për herë të katërt, por hija e ndikimit të qeverive të huaja dhe ndërhyrja mbi të dhe vendimet e tij, si dhe ndryshimet në procesin politik, e pengoi atë të formonte një qeveri, pavarësisht se Libani ishte në një krizë financiare dhe në situatën më të keqe ekonomike në dekada. Komuniteti ndërkombëtar i ka premtuar miliona dollarë Libanit që nga shpërthimi i portit të Bejrut, me kusht që të formohet një qeveri e re./parstoday/
