Eragçi: Më shumë se kurrë jemi afër një marrëveshjeje
Negociatori i lartë i Iranit në bisedimet e Vjenës që synojnë ringjalljen e marrëveshjes bërthamore midis Teheranit dhe fuqive botërore, deklaroi se delegacionet pjesëmarrëse kanë bërë progres të dukshëm në negociata.
Abas Eragçi, i cili është gjithashtu zv / ministri i jashtëm i Iranit për çështjet politike, i bëri komentet në një intervistë me rrjetin televiziv Al Jazeera. “Progres i mirë dhe i prekshëm është bërë në çështje të ndryshme gjatë bisedimeve të Vjenës. Ne besojmë se më shumë se çdo herë më parë jemi më afër një marrëveshjeje përfundimtare, por ka ende çështje të caktuara të pazgjidhura, të cilave u duhet më shumë diskutim, "tha Eragçi. Negociatori i lartë i Iranit tha se të gjitha palët duhet të marrin vendime të vështira, duke vënë në dukje se Teherani tashmë e ka marrë këtë vendim të vështirë duke qëndruar i përkushtuar në marrëveshje, pavarësisht tërheqjes së Shteteve të Bashkuara prej saj. Eragçi, shtoi: "Nëse marrëveshja bërthamore është ende gjallë, kjo u detyrohet veprimeve të Iranit." "Palët negociuese duhet ta dinë se Irani është viktimizuar dhe se Uashingtoni në negociata duhet të korrigjojë rrugën që ka ndjekur deri tani," tha Eragçi duke shtuar: "Irani ka vuajtur shumë në vitet e fundit për shkak të tërheqjes së njëanshme të SHBA nga marrëveshja bërthamore. ”
/parstoday/
