2 të vrarë dhe 125 të plagosur gjatë protestave në Bagdad
Burime mediatike raportuan për përleshje midis protestuesve irakianë dhe forcave të sigurisë në demonstratën e "E premtja e fundit " në Zonën e Gjelbër të Bagdadit, duke vrarë dhe plagosur një numër prej tyre.
Sipas Russia Today; Protestuesit u mblodhën para Ministrisë së Planifikimit të Irakut të premten pas rezultateve të zgjedhjeve parlamentare të Irakut dhe më pas filluan të marshojnë drejt hyrjes në Zonën e Gjelbër. Pasi arritën në hyrje të Zonës së Gjelbër, protestuesit irakianë ngritën tenda dhe më pas brohoritën parulla në shenjë proteste ndaj rezultateve të zgjedhjeve parlamentare. Sipas dëshmitarëve okularë, demonstratat në Zonën e Gjelbër të Bagdadit u shndërruan në përleshje dhe dhunë me ndërhyrjen e forcave të sigurisë. Pas përleshjes, Ministria irakiane e Shëndetësisë njoftoi se dy shtetas irakianë u vranë dhe 125 të tjerë u plagosën në përleshjet mes qytetarëve irakianë dhe forcave të sigurisë. Protestat e sotme në Bagdad nisën pasi një komitet i quajtur "Komiteti për Përgatitjen e Demonstratave Kundër Rezultateve të Zgjedhjeve në Irak" bëri thirrje që protestat të zhvillohen nëse rezultatet e zgjedhjeve nuk ndryshojnë./ParsToday
