Koalicioni anti-ISIS bombardon burgun Ghoyran në Sirinë lindore
Mediat irakiane raportuan bombardimin e burgut Ghoyran në provincën al-Hasakah në Sirinë lindore nga koalicioni ndërkombëtar i udhëhequr nga SHBA.
Avionët luftarakë të mbështetur nga SHBA-ja bombarduan tre herë burgun Ghoyran në provincën al-Hasakah në Sirinë lindore të dielën në mëngjes, njoftoi Channel Telegram Sabrin News, i lidhur me Forcat e Rezistencës irakiane. Burgu u sulmua edhe nga grupi terrorist ISIS të shtunën në mëngjes. Pas sulmit, 20 anëtarë të ISIS u arratisën nga burgu. Burgu Ghoyran të shtunën ishte skena e përleshjeve midis elementëve të ISIS-it dhe Forcave Demokratike Siriane, të njohura si Qassad si aleat i Shteteve të Bashkuara, gjatë të cilave u vranë 45 anëtarë të ISIS dhe 14 anëtarë të Qassad. Kjo është hera e dytë në dy muajt e fundit që ISIS sulmon burgun në fjalë. Burgu kontrollohet nga Forcat Demokratike Siriane (SDF), të cilat mbështeten nga forcat okupuese amerikane. Janë me mijëra terroristë të ISIS të burgosur në burg, disa prej të cilëve u arratisën pas kryengritjes. Gati 5000 anëtarë të ISIS nga 54 vende mbahen në burgun qendror Ghoyran pasi vendet e tyre po refuzojnë t'i pranojnë ata./parstoday/
