Stepja e SHBA në bisedimet e Vjenës
Raundi i tetë i bisedimeve midis Iranit dhe grupit të vendeve G4+1 rifilloi në kryeqytetin austriak Vjenë rifilloi të martën pas një pauze 10-ditore.
Të dyja palët kanë kapërcyer disa boshllëqe, por dallimet mbeten. Ndërsa bisedimet për shpëtimin e marrëveshjes bërthamore të vitit 2015 kanë arritur në "fazën përfundimtare", mosfunksionimi i Uashingtonit - i karakterizuar nga përçarje të thella politike dhe grindje partiake - e ka bërë gjithnjë e më të vështirë për administratën Biden që të marrë vendime politike të nevojshme që Shtetet e Bashkuara të kthehen në pajtueshmëri me marrëveshjen që e braktisi katër vjet më parë. Zyrtarët amerikanë hodhën një tjetër dyshim në procesin diplomatik të mërkurën, ndërsa thanë se administrata e presidentit Joe Biden tani beson se ka kohë deri në fund të shkurtit për të arritur një marrëveshje ose do të duhet të ndryshojë rrugën. "Ky raund është tepër kritik," tha një zyrtar i lartë i administratës amerikane, duke iu referuar rifillimit të bisedimeve në Vjenë, raportoi CNN. "Ne jemi vërtet në fazën përfundimtare," tha zyrtari duke shtuar: "Asgjë me Iranin nuk është kurrë një vijë e drejtë, por ne po shkojmë në një moment vendimtar." Teherani thotë se është i përkushtuar për të negociuar një "marrëveshje të qëndrueshme dhe të besueshme" në kohën më të shkurtër të mundshme, por këmbëngul se ajo nuk do të jetë e kufizuar nga "afate artificiale". Moska dhe Pekini kanë treguar gjithashtu se vendosja e afateve të tilla është jokonstruktive./parstoday/
