Irani mbështet kupën Katar 2022 në tre sektorë
Ministri i Rrugëve dhe Zhvillimit Urban theksoi: Republika Islamike e Iranit mbështet Botërorin e Katarit 2022 në tre fusha: strehim, transport ajror dhe detar.
Sipas IRNA, "Rostam Ghasemi", Ministri i Rrugëve dhe Zhvillimit Urban i Iranit, të shtunën në mbrëmje pas mbërritjes së tij në ishullin Kish tha: Kupa e Botës Katar-2022 është një nga ngjarjet më të rëndësishme dhe më me ndikim në arenën ndërkombëtare dhe gjatë vizitës së presidentit iranian Sejed Ebrahim Raisi në Katar, është shprehur mbështetja e Iranit për këtë ngjarje. “Ghasemi” shtoi: Sipas marrëveshjeve fillestare, gjatë vizitës së presidentit në Katar dhe takimit me emirin e këtij vendi, akomodimi, transporti ajror dhe detar i disa pasagjerëve dhe turistëve të Botërorit 2022 do të jetë ofertë e mbështetjes së Iranit për këtë event. Ministri i Rrugëve dhe Zhvillimit Urban gjithashtu tha: Ishulli Kish do të jetë pika qendrore e Iranit në mbështetjen e kësaj ngjarjeje, por të gjitha provincat bregdetare dhe jo-bregdetare pranë ujërave të Gjirit Persik mund të kontribuojnë në rolin e Iranit në organizimin e Kupës Botërore të Katarit 2022. Ministri i Transportit dhe Lidhjeve të Katarit, Jassim bin Saif al-Suliti, do të mbërrijë sot (e diel) në ishullin Kish për t'u takuar me zyrtarët iranianë. Distanca nga ishulli Kish në jug të Iranit deri në Katar është 270 km. Koha e udhëtimit nga ky ishull në Doha me avion është rreth 40 minuta dhe me anije është pesë deri në gjashtë orë. Ishulli Kish, me një sipërfaqe prej 92 kilometrash katrorë dhe një popullsi prej 42,000 banorësh, është një nga qytetet më turistike në provincën Hormozgan dhe ndodhet në ujërat e kaltra të Gjirit Persik. Kupa e Botës 2022 në Katar do të fillojë më 21 nëntor 2022./ParsToday
