Izraeli mund të pushojë së ekzistuari para 80 vjetorit
Ish-kryeministri izraelit Ehud Barak ka shprehur shqetësim të thellë për mbijetesën e regjimit të Tel Avivit, duke thënë se përvoja historike sugjeron se Izraeli do të pushojë së ekzistuari përpara 80-vjetorit të themelimit të tij.
Në një intervistë me gazetën në gjuhën hebraike Yedioth Ahronoth, ish-gjenerali ushtarak izraelit që përfundoi si kryeministër, tha se hebrenjtë nuk kanë sunduar për më shumë se 80 vjet gjatë gjithë historisë, duke parashikuar një skenar të errët për regjimin aktual në Tel Aviv. “Gjatë gjithë historisë hebraike, hebrenjtë nuk sunduan për më shumë se tetëdhjetë vjet, përveç në dy mbretëritë e Davidit dhe dinastisë Hasmoneane, dhe në të dyja periudhat, shpërbërja e tyre filloi në dekadën e tetë,” tha Barak. Barak tha se ai ushqen frikë të thellë se mallkimi i dekadës së tetë do të godiste regjimin aktual izraelit. Ai më tej vuri në dukje se shumë qeveri botërore, duke përfshirë ato në Shtetet e Bashkuara, Itali dhe Rusi, kanë përjetuar mallkimin e dekadës së tetë dhe regjimi i Tel Avivit nuk bën përjashtim. Frika e ish-kryeministrit ultra-konservator ka gjetur jehonë edhe në territoret e pushtuara. Një studim i kohëve të fundit me të rinjtë izraelitë zbuloi se gati gjysma e popullsisë në territoret e pushtuara palestineze nuk ishte optimiste për të ardhmen e entitetit të paligjshëm sionist, ndërkohë që më shumë se një e treta e banorëve të Izraelit po mendonin të emigronin për punë dhe jetë më të mirë. Shumë analistë kanë vënë në dukje teorinë e "kolapsit nga brenda" në lidhje me të ardhmen e Izraelit, duke përshkruar tre faktorë të krizës ekonomike, situatës së keqe të sigurisë dhe ndarjeve sociale për rënien e afërt të regjimit sionist./ParsToday
