Emiri i Katarit arriti në Teheran
Emiri i Katarit arriti për një vizitë zyrtare në Teheran për t'u takuar me zyrtarë të lartë të Republikës Islamike të Iranit.
Katari është një nga vendet me prioritet të lartë në politikën e jashtme të Republikës Islamike të Iranit dhe një vështrim mbi historinë e marrëdhënieve mes Iranit dhe Katarit, tregon qartë se marrëdhëniet mes dy vendeve kanë qenë gjithmonë të thella dhe në zhvillim e sipër.
Emiri i Katarit, Sheik Tamim bin Hamad Al Thani, mbërriti sot (e enjte) në Teheran në krye të një delegacioni të nivelit të lartë politik dhe ekonomik për t'u takuar me zyrtarë të lartë të Republikës Islamike të Iranit dhe u mirëprit nga zëvendëspresidenti i parë i Iranit Muhamed Mokhber.
Emiri i Katarit ka udhëtuar në Teheran me ftesë zyrtare të presidentit të Republikës Islamike të Iranit, Sejed Ebrahim Ra'isi.
Pritja zyrtare, bisedimet dypalëshe midis krerëve të shteteve dhe negociatat mes delegacioneve të larta të dy vendeve, si dhe një konferencë e përbashkët për shtyp nga presidenti i Republikës Islamike të Iranit, Sejed Ebrahim Ra'isi dhe Sheik Tamim bin Hamad Al Thani, emiri i Katarit, janë ndër programet e kësaj vizite njëditore të emirit të Katarit në Teheran.
Presidenti i Republikës Islamike të Iranit udhëtoi në Doha në shkurt të vitit 2022 me ftesë zyrtare të emirit të Katarit dhe për të marrë pjesë në samitin e vendeve eksportuese të gazit, gjatë të cilit u nënshkruan 14 dokumente bashkëpunimi midis Iranit dhe Katarit nga zyrtarët e të dy. vende./ParsToday
