Grossi shkon në Palestinën e pushtuar
Drejtori i Përgjithshëm i Agjencisë Ndërkombëtare të Energjisë Atomike ka udhëtuar në Palestinën e pushtuar përpara një takimi të Bordit të Guvernatorëve.
Rafael Grossi, drejtori i përgjithshëm i Agjencisë Ndërkombëtare të Energjisë Atomike, mbrëmjen e së enjtes mbërriti në territoret e pushtuara për t'u takuar me zyrtarët sionistë. Televizioni izraelit Channel 13 raportoi se Grossi është planifikuar të takohet me Naftali Bennett, kryeministrin izraelit, takim që zhvillohet disa ditë përpara takimit të Bordit të Guvernatorëve të IAEA në Vjenë. Në këtë takim tre vendet evropiane dhe Shtetet e Bashkuara janë planifikuar të nxjerrin një rezolutë kundër Iranit. Vendet perëndimore, të udhëhequra nga Shtetet e Bashkuara dhe regjimi sionist, vitet e fundit kanë akuzuar Iranin për gjoja ndjekjen e qëllimeve ushtarake në programin e tij paqësor bërthamor. Irani i ka mohuar me forcë këto akuza. Irani thekson se si nënshkrues i Traktatit të Mospërhapjes Bërthamore (NPT) dhe anëtar i Agjencisë Ndërkombëtare të Energjisë Atomike, ai ka të drejtë të përvetësojë teknologjinë bërthamore për qëllime paqësore. Regjimi sionist, nga ana tjetër, është i vetmi mbajtës i armëve bërthamore në rajonin e Azisë Perëndimore dhe me mbështetjen e SHBA-së, e ka mbajtur programin e tij të armëve bërthamore jashtë kontrollit ndërkombëtar./parstoday/
