SAHAR

“Mohammad Eslami”, kreu i Organizatës së Energjisë Atomike të Iranit, ka thënë: Republika Islamike e Iranit nuk ka pasur dhe nuk ka asnjë tension me Agjencinë Ndërkombëtare të Energjisë Atomike.

Ai tha se marrëdhëniet e Iranit me IAEA janë të përcaktuara dhe të bazuara në masat mbrojtëse dhe NPT, duke shtuar se Irani gjithmonë ka vepruar në përputhje me rregullat e Agjencisë Ndërkombëtare të Energjisë Atomike dhe ka marrëdhënie të ngushta me këtë organizëm ndërkombëtar. Qëndrimi i qartë i kreut të Organizatës së Energjisë Atomike të Iranit për marrëdhëniet midis Iranit dhe IAEA gjen kuptim duke pasur parasysh zhvillimet e fundit, veçanërisht nxjerrjen e rezolutës së Bordit të Guvernatorëve të IAEA-s. Ndërsa bisedimet e Vjenës për heqjen e sanksioneve ndaj Iranit dhe kthimin e Shteteve të Bashkuara në marrëveshjen bërthamore janë praktikisht të paqarta për shkak të mungesës së vullnetit politik në Uashington, Bashkimi Evropian dhe trojka Evropiane, e përbërë nga Gjermania, Franca dhe Britania, duke u bazuar në pretendimet boshe të Izraelit vunë nën presion Rafael Grossin dhe miratuan një rezolutë kundër Iranit në Bordin e Guvernatorëve të IAEA. Natyrisht, kjo rezolutë u kundërshtua ashpër nga Rusia dhe Kina, si dy anëtarë të grupit P5 + 1, gjë që tregon ekzistencën e një mbështetësi serioz të Iranit në Agjenci dhe në Këshillin e Sigurimit të OKB-së, duke pasur parasysh anëtarësimin e përhershëm të këtyre dy vendeve.  Duke marrë parasysh se kjo rezolutë shpërfill bashkëpunimin e gjerë të Iranit me Agjencinë Ndërkombëtare të Energjisë Atomike, e cila bazohet në vullnetin e mirë të Teheranit dhe tregon një angazhim serioz për transparencën në fushën e aktiviteteve bërthamore paqësore, Organizata e Energjisë Atomike e Iranit njoftoi ndërprerjen e funksionimit të kamerave monitoruese online të Agjencisë në Iran. Ky veprim është në fakt një reagim vendimtar nga ana e Iranit kundër masave dashakeqe të Perëndimit, si dhe qasjes politike dhe të politizuar të Rafael Grossi, Drejtori i Përgjithshëm i Agjencisë Ndërkombëtare të Energjisë Atomike. Kreu i Organizatës së Energjisë Atomike ka paralajmëruar vazhdimin rreth qasjes së njëanshme dhe vazhdimit të takimeve të dyshimta të Grossit me zyrtarë të lartë izraelitë, duke pasur parasysh faktin se drejtori i përgjithshëm i IAEA udhëtoi në Palestinën e pushtuar përpara takimit të fundit të Bordit të Guvernatorëve dhe rezoluta kundër Iranit u miratua pas takimit të tij me kryeministrin e regjimit sionist Naftali Bennet. Sigurisht, ky takim u mbajt për të koordinuar pozicionet dhe për të tërhequr agjencinë në një vijë nga Izraeli në aksionin e tij kundër Iranit. Në fakt, qëndrimet e Grossit dhe disa deklarata të tij, të cilat në thelb janë jashtë kompetencës së tij profesionale, tregojnë se drejtori i përgjithshëm i IAEA, i cili ka një histori të gjatë marrëdhëniesh me regjimin sionist, po luan në fushën izraelite. Për këtë ai ka marrë  paralajmërime nga Teherani. Lidhur me këtë, zëdhënësi i Organizatës së Energjisë Atomike të Iranit, Behrouz Kamalvandi, paralajmëroi Drejtorin e Përgjithshëm të Agjencisë Ndërkombëtare të Energjisë Atomike që të qëndrojë larg deklaratave mediatike joprofesionale dhe me tone politike. Në disa intervista të fundit për mediat perëndimore, Rafael Grossi ka mbajtur një qëndrim politik për negociatat e marrëveshjes bërthamore, e cila nuk është aspak në kompetencën e tij profesionale. Duke iu referuar ndërprerjes së kamerave të vëzhgimit të IAEA nga Irani, ai tha se nëse vëzhgimi nuk do të kthehej në normalitet brenda tre deri në katër javët e ardhshme, do të ishte një "goditje fatale për marrëveshjen bërthamore". Zëdhënësi i Organizatës së Energjisë Atomike të Iranit tha: Nëse ka ndonjë problem teknik, duhet të ndiqet profesionalisht në kuadrin e detyrave të Agjencisë dhe nëpërmjet kanaleve dhe mekanizmave të zakonshëm të Agjencisë që natyrisht që ndërveprimeve të tilla nuk është fushë e deklaratave mediatike.