Perëndimi përdor çështjen e Ukrainës për të zgjeruar NATO-n
Lideri Suprem i Revolucionit Islamik Ajetollah Khamenei deklaroi se Perëndimi po përdor çështjen e Ukrainës për të hapur rrugën për zgjerimin e mëtejshëm të Organizatës së Traktatit të Atlantikut të Veriut (NATO).
Ajetollah Khamenei i bëri komentet në një takim të dielën në Teheran me Presidentin e Kazakistanit Kassym-Jomart Tokayev. “Në rastin e Ukrainës, problemi kryesor është se Perëndimi do të zgjerojë NATO-n dhe ata nuk do të humbasin kohë për të zgjeruar më tej ndikimin e tyre kudo që të munden”, tha Lideri Suprem i Revolucionit Islamik. Ajetollah Khamenei shtoi: “Çështje të ndryshme duhet të monitorohen me kujdes dhe ne duhet të jemi të kujdesshëm sepse amerikanët dhe Perëndimi në përgjithësi gjithmonë kërkojnë të zgjerojnë shtrirjen e ndikimit të tyre në rajone të ndryshme, përfshirë Azinë Lindore dhe Perëndimore, dhe të shkatërrojë pavarësinë dhe fuqinë e vendeve në ato rajone.” Lideri Suprem theksoi gjithashtu lidhjet e thella historike dhe kulturore midis Iranit dhe Kazakistanit, duke theksuar nevojën për zgjerimin e mëtejshëm të bashkëpunimit midis dy vendeve. Ajetollah Khamenei bëri thirrje gjithashtu për më shumë koordinim mes dy vendeve në lidhje me çështjet politike dhe ekonomike, duke thënë se është i nevojshëm zgjerimi i mëtejshëm i lidhjeve dypalëshe. Duke theksuar domosdoshmërinë e aktivizimit të komisioneve të përbashkëta mes Iranit dhe Kazakistanit, Lideri Suprem i Revolucionit Islamik tha se të dy vendet duhet të shtojnë përpjekjet e tyre për ndjekjen dhe zbatimin e marrëveshjeve dypalëshe. Presidenti kazak, nga ana e tij, tha se më herët gjatë ditës ai kishte zhvilluar bisedime "shumë të mira" me homologun e tij iranian, Ebrahim Raisi. Kassym-Jomart Tokayev shtoi se të dyja palët kanë nënshkruar marrëveshje, të cilat mund të ndihmojnë në zgjerimin e mëtejshëm të marrëdhënieve mes Iranit dhe Kazakistanit./ParsToday
