Deklarata e takimit të Bordit të Guvernatorëve nuk është konstruktive
Përfaqësuesi i Iranit në Agjencinë Ndërkombëtare të Energjisë Atomike e cilësoi deklaratën e mbledhjes së Bordit të Guvernatorëve në lidhje me Iranin si jo konstruktive.
Mohsen Naziri Asl, përfaqësuesi i Iranit në Agjencinë Ndërkombëtare të Energjisë Atomike, pas përfundimit të shqyrtimit të çështjes së Iranit në mbledhjen e Bordit të Guvernatorëve, në një intervistë për agjencinë e lajmeve IRIB në Vjenë tha: “Përpjekjet e Shteteve të Bashkuara dhe të Evropës për të fituar përkrahjen e vendeve afrikane dhe të Amerikës Latine në lidhje me çështjen e Iranit në mbledhjen e Bordit të Guvernatorëve nuk ishin të frytshme". Përfaqësuesi i Iranit në Agjencinë Ndërkombëtare të Energjisë Atomike deklaroi se Bordi i Guvernatorëve të Agjencisë Ndërkombëtare të Energjisë Atomike ka synime politike dhe tha: "Në një kohë kur po përfundojnë negociatat për ringjalljen e marrëveshjes bërthamore, Bordi i Guvernatorëve duke lëshuar një deklaratë jo konstruktive synon të krijojë pengesa në arritjen e një marrëveshjeje". Në takimin e mbrëmjes të së mërkurës, Agjencia Ndërkombëtare e Energjisë Atomike e përbërë nga 56 vende, 23 prej të cilave janë anëtarë të Bordit të Guvernatorëve të Agjencisë, lëshoi një deklaratë kundër Iranit dhe akuzoi Teheranin se nuk po bashkëpunon me mbikëqyrësin bërthamor të Kombeve të Bashkuara. Kjo deklaratë, e cila u propozua nga Shtetet e Bashkuara dhe tre vende evropiane dhe akuzon Iranin se nuk bashkëpunon në çështjet e mbrojtjes me Agjencinë Ndërkombëtare të Energjisë Atomike, u lexua nga përfaqësuesi i Gjermanisë. Pavarësisht leximit të deklaratës anti-iraniane, mbledhja e djeshme e Bordit të Guvernatorëve të Agjencisë Ndërkombëtare të Energjisë Atomike për programin bërthamor të Iranit përfundoi pa ndonjë rezolutë./ParsToday