SAHAR

Komandanti i Përgjithshëm i Ushtrisë së Iranit deklaroi se edhe ato shtete që pretendojnë se janë superfuqi nuk guxojnë të sulmojnë Iranin, duke theksuar se armiqtë do të dështojnë të arrijnë "qëllimin e tyre ogurzi" për të shpërbërë Republikën Islamike.

Pas 40 vjetësh që nga Revolucioni Islamik, askush dhe asnjë vend, madje edhe ata që pretendojnë se janë superfuqi, nuk guxojnë të sulmojnë Iranin dhe madje as të mendojnë për diçka të tillë," tha gjeneralmajor Abdolrahim Musavi. Ai tha se armiqtë dëshirojnë të ndajnë Iranin, të shkaktojnë pasiguri dhe shkatërrim, të prishin ekonominë dhe prodhimin dhe të pengojnë përparimin shkencor dhe teknologjik të vendit, por ata kurrë nuk do të arrijnë "qëllimet e tyre ogurzeza". Komandanti i Përgjithshëm i Ushtrisë së Iranit vuri në dukje se armiqtë bënë gjithçka që mundën gjatë trazirave të fundit që goditën Iranin, duke i planifikuar dhe organizuar ato dhe duke ofruar shërbime të inteligjencës dhe financiare për rebelët. "Grupet separatiste dhe rrjetet satelitore në gjuhën perse, agjenturat e huaja dhe agjentët e tyre janë gjithashtu të përfshirë drejtpërdrejt në këto trazira dhe përgjegjës për komandën në terren," tha gjeneralmajor Musavi, duke theksuar rëndësinë e të qenit vigjilent. Komandanti i lartë ushtarak iranian kujtoi se amerikanët kishin pranuar më shumë se 10 vjet më parë se kishin përdorur telefonat inteligjentë dhe aplikacionet për të arritur qëllimet e tyre në Iran. "Ata vetë thanë se miliona përdorues të internetit ishin ushtarët e tyre, prandaj ne duhet të jemi vigjilentë," tha ai. Musavi vuri në dukje arritjet e vendit në industrinë e mbrojtjes, veçanërisht inaugurimin e fundit të linjës së prodhimit të raketës Sajad B4 me rreze të gjatë veprimi dhe tha se vetëm pak vende në botë kanë një kombinim të tillë teknologjish. Ai tha se kombi iranian duhet të ndërgjegjësohet për përparimet e vendit dhe për rrugën drejt pavarësisë, duke deklaruar se armiqtë kanë frikë nga fuqia dhe potencialet e Iranit./ParsToday