Kushtet e Sanaa për vendosjen e një armëpushimi të përhershëm në Jemen
Kreu i ekipit negociator të Qeverisë së Shpëtimit Kombëtar të Jemenit me palën saudite deklaroi kushtet për vendosjen e një armëpushimi të përhershëm në Jemen në të njëjtën kohë kur delegacionet e Arabisë Saudite dhe Omanit po qëndrojnë në Sanaa për zhvillimin e bisedimeve.
Delegacionet e Arabisë Saudite dhe Omanit kanë mbërritur në Sanaa për t'u konsultuar me Qeverinë e Shpëtimit Kombëtar të Jemenit me qëllim arritjen e një armëpushimi të përhershëm në këtë vend dhe për të filluar një raund të ri dhe të rëndësishëm të bisedimeve për t'i dhënë fund luftës në Jemen.
Agjencia e lajmeve Iran Press njoftoi se Muhamed Abdul Salam në aeroportin e Sana'a, kryeqyteti i Jemenit, duke deklaruar se përpjekjet për të arritur paqen në Jemen po vazhdojnë duke ruajtur qëndrimet e këtij vendi, deklaroi se për të arritur një armëpushim të përhershëm, duhet të ndalet plotësisht agresioni ushtarak kundër Jemenit.
Shefi i delegacionit negociator të Qeverisë së Shpëtimit Kombëtar të Jemenit theksoi: "Përveç kësaj, bllokada ndaj Jemenit duhet të hiqet plotësisht dhe pagat e punonjësve jemenas të paguhen pa asnjë problem".
Muhamed Abdussalam deklaroi se ekipi negociator jemenas do të vazhdojë negociatat në kuadër të qëndrimeve parimore dhe respektimit të të drejtave legjitime të jemenasve dhe deklaroi se edhe forcat e huaja duhet të largohen nga Jemeni.
Kreu i ekipit negociator të Qeverisë së Shpëtimit Kombëtar të Jemenit theksoi se në negociatat me palën saudite vazhdimisht respektohen të gjitha interesat e popullit jemenas në të gjithë vendin dhe me ndihmën e Zotit, do të arrihet paqja.
