Irani proteston në Kombet e Bashkuara për efektet negative të sanksioneve
Në një letër drejtuar Sekretarit të Përgjithshëm dhe Presidentit të Asamblesë së Përgjithshme të Kombeve të Bashkuara, ambasadori i Iranit në Kombet e Bashkuara protestoi kundër efekteve negative të sanksioneve të njëanshme amerikane mbi mjedisin, shëndetin dhe mirëqenien e iranianëve dhe tha se Uashingtoni duhet të mbajë përgjegjësi dhe të përgjigjet për të gjitha sanksionet e njëanshme të paligjshme që ka vendosur kundër popullit iranian dhe që kanë efekte biologjike edhe për mjedisin.
Sipas IRNA, Amir Saeed Irvani, Ambasador dhe Përfaqësues i Përhershëm i Republikës Islamike të Iranit në Kombet e Bashkuara, i dërgoi një letër Sekretarit të Përgjithshëm Antonio Guterres dhe Presidentit të Asamblesë së Përgjithshme të Kombeve të Bashkuara Kaba Karushi. Ai duke iu referuar efekteve të sanksioneve të njëanshme të Shteteve të Bashkuara në mjedisin, shëndetin, mirëqenien dhe jetën e qytetarëve iranianë tha: Disa veprime të Shteteve të Bashkuara, si parandalimi i investimeve në projekte mjedisore dhe përvetësimi i teknologjive të reja mjedisore, e pengojnë Iranin të arrijë energji të pastër dhe kjo ndikon në shëndetin dhe mirëqenien e qytetarëve të Republikës Islamike të Iranit. Përfaqësuesi i Përhershëm i Iranit në Kombet e Bashkuara deklaroi: Shtetet e Bashkuara të Amerikës kanë krijuar një rrjet të gjerë dhe kompleks sanksionesh të paligjshme dhe të padrejta financiare, ekonomike dhe tregtare me qëllim izolimin e popullit iranian nga institucionet financiare dhe ndërkombëtare dhe marrëveshjet ndërkombëtare mjedisore. Në një pjesë tjetër të kësaj letre, duke iu referuar sfidave mjedisore të Iranit, Irvani përmendi raportin e Organizatës Botërore të Shëndetësisë për shkaqet mjedisore të vdekjes së një numri qytetarësh iranianë dhe tha se sanksionet e SHBA-së kundër Republikës Islamike të Iranit krijojnë probleme mjedisore, rëndojnë situatën dhe kërcënoi shëndetin e disa shtetasve të Republikës Islamike të Iranit. Ambasadori i Iranit në Kombet e Bashkuara gjithashtu theksoi se Shtetet e Bashkuara të Amerikës duhet të jenë besnike ndaj detyrimeve dhe detyrave të tyre ndërkombëtare të bazuara në traktatet ndërkombëtare, duke thënë: Shtetet e Bashkuara të Amerikës duhet të anulojnë të gjitha sanksionet e njëanshme të paligjshme kundër popullit iranian që kanë efekte mjedisore .
