Spitalet në veri të Gazës janë nën rrethim të rëndë
Spitali “Al-Shifa” është ende nën rrethim ushtarak, pasi tanket dhe automjetet e blinduara izraelite e kanë rrethuar objektin shëndetësor nga të gjitha anët - nga veriu, lindja dhe pjesët jugore, vetëm rreth disa qindra metra larg.
Sipas rrjetit Al-Jazeera, forcat e regjimit izraelit po shënjestrojnë spitalin në mënyrë të përsëritur dhe dronë sulmues po fluturojnë në një lartësi të ulët mbi zonë.
Drejtori i spitalit, Muhamed Abu Salmiya, foli për një koordinim të mundshëm me ambulancat dhe Kryqin e Kuq për evakuimin e pacientëve dhe foshnjave në inkubatorë.
Megjithatë, është e pamundur të zhvendosen foshnjat kudo, pasi shumica e spitaleve në Gazën veriore janë nën shenjestra të rënda sulmi, kanë humbur energjinë elektrike dhe, gjithashtu, kanë pak furnizime për të trajtuar siç duhet pacientët. Gjithashtu, nuk ka energji elektrike për t’i mbajtur inkubatorët në punë.
Zyrtarët shëndetësorë palestinezë po kërkojnë një korridor të sigurt për evakuimin e atyre foshnjave. Sulmet izraelite kanë vrarë 4,104 fëmijë në Gaza gjatë luftës aktuale, raporton Zyra e Kombeve të Bashkuara për Koordinimin e Çështjeve Humanitare (OCHA). Këto vdekje janë raportuar gjatë një muaji të dhunës. Kjo do të thotë se mesatarisht më shumë se 100 fëmijë vriten çdo ditë.
Gaza ka një popullsi prej 2.3 milion banorë që jetojnë në një sipërfaqe prej 365 km katrorë (140 milje katrorë), e cila arrin në një dendësi popullsie prej 6,300 njerëz për kilometër katror (16,320 njerëz për milje katror).
Sipas UNICEF-it, fëmijët përbëjnë 47% të popullsisë së Gazës.
