Hamasi nuk ka qëllim të mbajë robër
Një diplomat i lartë iranian tha se lëvizja Hamas ra dakord të lirojë robër civilë dhe joizraelitë.
“Ata kanë thënë se nuk kanë synim të mbajnë të burgosur civilë dhe joizraelitë, por për shkak të intensitetit dhe vazhdimësisë së bombardimeve, ata nuk janë në gjendje të dallojnë identitetin dhe të ndajnë të burgosurit ushtarakë nga ata civilë dhe izraelitët nga joizraelitët prej të burgosurve izraelitë”, tha Shoushtari në një intervistë ekskluzive për ISNA-n.
Gjithashtu, diplomati iranian tha se zyrtarët e Hamasit njoftuan se nuk është e mundur të shkëmbehen të burgosurit për aq kohë sa vazhdojnë sulmet.
“Megjithatë, në një numër të kufizuar rastesh, Hamasi liroi disa të burgosur, duke përfshirë gra dhe të moshuar, për të treguar vullnetin e tij të mire”, shtoi Shoushtari.
Katër robër janë liruar deri më tani pas negociatave përmes kanaleve diplomatike me ndërmjetësimin e vendeve të tilla si Katari dhe Egjipti.
Më 20 tetor, Hamasi liroi robërit e parë, shtetasit amerikanë Judith Raanan, 59 vjeç, dhe vajzën e saj, Natalie Raanan, 17 vjeç, duke thënë se kjo ishte për “arsye humanitare”.
Më 23 tetor, u liruan gjithashtu dy gra izraelite, Nurit Cooper, 79 vjeç, dhe Yocheved Lifshitz, 85 vjeç.
